परिवहन आयुक्त भिमनवार : 31 डिसेंबरपर्यंत अपॉइंटमेंट घ्यावी
पंचवटी : प्रतिनिधी
राज्य परिवहन विभागाने उच्च सुरक्षा नोंदणी क्रमांक पाटी (एचएसआरपी) 2019 च्या पूर्वीच्या वाहनांना बसविण्यासाठी पुन्हा एक महिन्याची मुदतवाढ दिली आहे. आता वाहनचालकांना 31 डिसेंबर 2025 पर्यंत नंबरप्लेट बसविणे बंधनकारक असून, या मुदतवाढीमुळे नागरिकांना दिलासा मिळाला आहे. दरम्यान, ज्या वाहनचालकांनी नंबरप्लेट बसवली नसेल, त्यांनी 31 डिसेंबर 2025 पर्यंत अपॉइंटमेंट घ्यावी, असे आवाहन परिवहन आयुक्त विवेक भिमनवार यांनी केले आहे.
प्रादेशिक परिवहन विभागाने आतापर्यंत वेळोवेळी एचएसआरपी नंबरप्लेटसाठी मुदतवाढ दिली होती.तर 30 नोव्हेंबर 2025 पर्यंत मुदत देण्यात आली होती. परंतु, राज्यातील स्थानिक स्वराज्य संस्थांच्या निवडणुका लक्षात घेता दि. 1 एप्रिल 2019 पूर्वी नोंदणी झालेल्या जुन्या वाहनांना उच्च सुरक्षा नोंदणी क्रमांक पाटी बसविण्याकरिता दि. 31 डिसेंबर 2025 पर्यंत मुदत देण्यात येत आहे.
आता ही मुदतवाढ अंतिम असून, एचएसआरपी नंबरप्लेट नसलेल्या वाहनांवर वायुवेग पथकाकडून कारवाई करण्यात येणार असल्याचे राज्याचे परिवहन आयुक्तांकडून सांगण्यात आले. राज्यात 2019 च्या पूर्वीच्या सर्व वाहनांना एचएसआरपी बसविणे सर्वोच्च न्यायालयाच्या आदेशानंतर बंधनकारक आहे. नंबरप्लेट बसविण्याचे काम एका कंपनीला देण्यात आले असून, वाहनसंख्या आणि त्या तुलनेत एचएसआरपी नंबरप्लेटची नोंदणी करून ती बसविण्यासाठी लागणारा कालावधी अधिक जात आहे.त्यामुळे एचएसआरपी नंबरप्लेट बसविण्याला मुदतवाढ मिळावी याबाबत सर्व स्तरातून मागणी होत होती. त्यानुसार एक महिन्याची मुदतवाढ दिल्याची माहिती परिवहन आयुक्त विवेक भिमनवार यांनी दिली आहे.
आरक्षण जीआरवरून एकमेकांवर टीका मुंबई : प्रतिनिधी मराठा समाजाचे नेते मनोज जरांगे पाटील आणि मंत्री…
- अनिल उदावंंत जीवनात काहीही आणि कितीही प्रतिकूल घडलं, तरी काही अपवाद वगळता कुणाही जीवाचं…
- योगिनी पैठणकर श्रावणी शुक्रवार हा हिंदू पंचांगातील पवित्र सण आहे. मंगळागौर, श्रावणी शुक्रवार, कहाण्या,…
महाविद्यालयीन जीवन हा प्रत्येक विद्यार्थ्याच्या आयुष्यातील अत्यंत महत्त्वाचा टप्पा असतो. शालेय शिक्षणात अभ्यासक्रम, परीक्षा आणि…
बदलत्या काळाची नवी विचारसरणी आजच्या वेगाने बदलणार्या जगात प्रत्येक पिढीची विचार करण्याची, निर्णय घेण्याची आणि…