Categories: महाराष्ट्र

तीस हजारांची लाच घेताना सोग्रसचे सरपंच, उपसरपंच जाळ्यात

तीस हजारांची लाच घेताना
सोग्रसचे सरपंच, उपसरपंच जाळ्यात
नाशिक : प्रतिनिधी
तीस हजार रुपयांची लाच स्वीकारताना सोग्रस ता. चांदवड येथील सरपंच, उपसरपंच तीस हजारांची लाच घेताना लाच लुचपत प्रतिबंधक विभागाच्या पथकाने रंगेहाथ पकडले.
सरपंच भास्कर पुंडलिक गांगुर्डे (55), आणि उपसरपंच प्रकाश चंद्रभान गांगुर्डे (45) अशी या लाचखोरांची नावे आहेत. तक्रारदार यांच्या मित्राने जिल्हा परिषदेतंर्गत मौजे सोग्रस येथे पाण्याच्या टाकीचे बांधकाम पूर्ण केले होते. मात्र सदर बांधकामाचे बिल अद्याप अप्राप्त होते. सदर बिल काढण्यासाठी तक्रारदार यांना अधिकारपत्र प्राप्त होते. सदर पाण्याच्या टाकीचे बांधकामाचे बिल मंजूर करण्यासाठी ग्रामपंचायतीच्या हस्तांतरण पत्रावर सरपंच या नात्याने ईलोसे क्र 1 यांनी सही करून पाठवण्यासाठी इलोसे क्र 1 व 2 यांनी पंचासमक्ष तक्रारदार यांच्याकडे 50,000/- रु ची लाचेची मागणी करून तडजोडी अंती 30,000/- रु ची लाचेची रक्कम स्वीकारण्याचे मान्य करून ती पंचासमक्ष स्विकारली असता त्यांना रंगेहाथ पकडण्यात आले. सापळा अधिकारी उपअधीक्षक अनिल बडगुजर, दिपक पवार. संजय ठाकरे
यांच्या पथकाने अधीक्षक श्रीमती शर्मिष्ठा घारगे-वालावलकर अपर अधीक्षक माधव रेड्डी उपअधीक्षक नरेंद्र पवार यांच्या मार्गदर्शनाखाली ही कारवाई केली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.