शिंदे गट महानगर प्रमुख तिदमे यांनी राजीनाम्या बाबत घेतला हा निर्णय

नाशिक: गोरख काळे

नाशिक महापालिकेच्या उपमहापौर पदावरून शिवसेना शिंदे गटात नाराजी उफाळून आली होती. पक्षाला मोठे यश प्रभागात तसेच शहरात मिळवून देऊनही उपमहापौर पदासाठी ऐनवेळी विलास शिंदे यांना संधी दिल्याने प्रवीण तिदमे(बंटी) यांनी नगरसेवक तसेच शिवसेना महानगर प्रमुख पदाचा राजीनामा देण्याचा निर्णय घेतला होता. मात्र शिवसेना मुख्य नेते एकनाथ शिंदे यांनी तिदमे यांची समजूत काढली.

शिंदे यांनी  पक्षात मान सन्मान केला जाईल असे  सांगितल्यामुळे पक्ष प्रमुखांसोबत झालेल्या चर्चेतुन मी महानगर प्रमुख पदाचा तसेच नगरसेवक पदाचा राजीनामा देणार नसल्याचे जाहिर करत आहे , असे बंटी तिदमे यांनी पत्रकार परिषद घेऊन सांगितले. यावेळी हर्षदा गायकर, भागवत आरोटे यांच्यासह कार्यकर्ते उपस्थित होते.