नम्रताच्या ९ तर शेतकरी विकासच्या ४जागा विजयी
पिंपळगाव बसवंत: पिंपळगाव बसवंत विविध कार्यकारी सहकारी सोसायटीच्या पंचवार्षिक निवडणुकीत सभासदांनी माजी सरपंच भास्कर बनकर गटाच्या नम्रता पॅनलला कौल दिला. पॅनलच्या नऊ जागा प्रचंड मताधिक्याने निवडणून आणत शेतकरी विकास पॅनलला धोबीपछाड दिली. शेतकरी विकास पॅनलचे नेतृत्व निफाडचे आमदार दिलीप बनकर यांनी केले होते. सोसायटीवरील सत्ता गेल्याने आगामी बाजार समिती निवडणूक मोठी चुरशीची होणार आहे. या निवडणुकीमुळे शिवसेना पर्यायाने माजी आमदार अनिल कदम गटाचे होसले बुलंद झाले आहेत.
पिंपळगाव विविध कार्यकारी सोसायटीच्या १३ जागांसाठी २६ उमेदवार आखाड्यात उतरले होते. आमदार दिलीप बनकर, नेतृत्वाखाली शेतकरी विकास पॅनल, तर भास्कर बनकर, यांच्या नेतृत्वाखाली नम्रता पॅनलमध्ये सरल लढत झाली. दोन्ही पॅनमध्ये स्टार प्रचारक व वजनदार उमेदवार एकमेकांसमोर उभे ठाकल्याने आगामी बाजारसमिती निवडणूक पार्श्वभूमीवर सोसायटीच्या निवडणुकीला अधिक रंग महत्व प्राप्त झाले होते. एका सभासदास जवळपास १३मते देण्याचा अधिकारी होता. ११९२ मतदारांपैकी ११६१ सभासद मतदारांनी मतदानाचा हक्क बजावित जवळपास ९५ टक्के मतदान झाले होते. शनिवारी सायंकाळी पाच वाजेपासून पोलीस बंदोबस्तात पिंपळगाव सोसायटी सभागृहात मतमोजणी झाली.
पहिल्या फेरीपासून नम्रता पॅनलने आघाडी घेत जवळपास ९ जागा निवडणून आणत भास्कर बनकर गटाने सोसायटीवरदणदणीत विजय प्राप्त केला. तर शेतकरी विकास पॅनलला अवघ्या चार
जागांवर समाधान मानावे लागले.
नम्रता पॅनल विजयी होताच सोसायटीबाहेर समर्थकांनी जोरदार घोषणाबाजी करत आनंदोत्सव साजरा केला. याप्रसंगी शिवसेना माजी सभापती राजेश पाटील, सुजित मोरे, नितीन बनकर आदिंसह मान्यवर उपस्थित होते.
विजयी उमेदवार….
नम्रता पॅनल.….
दिलीप मोरे, रामराव डेरे, अनिल बनकर, चंद्रकांत बनकर, सोमनाथ मोरे, आशिष बागुल, विनायक खोडे, हिराबाई खोडे, शोभा बनकर,
…………शेतकरी विकास पॅनल…..
सुरेश खोडे, सतीश मोरे, दत्तात्रय देवकर, नंदू देशमाने,