रेल्वे कर्मचाऱ्याची गळफास घेऊन आत्महत्या

मनमाड:  प्रतिनिधी

 येथील 28 युनिट येथे राहणाऱ्या कमलेश अशोक मोरे या 33 वर्षीय रेल्वे कर्मचाऱ्यांने राहत्या घरात ओढणीने(स्कार्फ) ने फाशी घेऊन आपली जीवनयात्रा संपवली असुन आत्महत्या करण्याचे कारण अद्याप अस्पष्ट आहे.आज पहाटे 4 वाजेच्या दरम्यान ही घटना घडली याबाबत स्थानिक रहिवासी असलेले समाजसेवक पापाभाई थॉमस यांनी पोलीस ठाण्यात तक्रार दाखल केली असुन तरुणाचा मृतदेह शवविच्छेदन करण्यासाठी उपजिल्हा रुग्णालयात नेण्यात आला आहे याबाबत पोलीस ठाण्यात अकस्मात मृत्यूची नोंद करण्यात आली असुन पुढील तपास पोलीस करत आहेत. कमलेश हा शांत स्वभावाचा तरुण होता त्याच्या आई , सासूबाई आणि  पत्नी व लहान मुलांसोबत तो येथील 28 युनीट रेल्वे क्वॉर्टरमध्ये राहत होता. त्याच्या मृत्युने रेल्वे कर्मचाऱ्यांमध्ये खळबळ उडाली आहे.