साखर आंबा

साहित्य : कैरीचा किस, साखर, लवंग, दालचिनी, वेलची पावडर, तूप….
कृती : कढईत तूप घाला, कैरी किस व साखर घाला. लवंग, दालचिनीचे तुकडा टाका व परतत राहा… साखरेचा पाक होईपर्यंत नंतर कैरी पारदर्शक होईल व ते नंतर मिश्रण घट्ट होऊ लागेल. पळीने मिश्रणाचा गोळा पडला की गॅस बंद करा व गार झाल्यावर वेलची पावडर टाका. बरणीत भरा.
साखर आंबा दुसरा प्रकार..!
साहित्य : कैरीच्या 1 किलो बारीक फोडी, 1 किलो साखर, वेलची पूड 1 चमचा, 2 केशर काड्या.
कृती : प्रथम एका पातेल्यात कैरीच्या 1 किलो फोडी व अर्धा किलो साखर एकत्र करून रात्रभर ठेवून द्यावे. सकाळी त्याला पाणी सुटलेले असेल. त्यात किंचित मीठ घाला व हे सगळे मिश्रण एका डब्यात घालून कुकरमध्ये बुडाशी पाणी घाला व हा डबा त्यात ठेवून हलवून कुकरच्या 6 शिट्ट्या करून घ्या. गॅस बंद करून, डब्यातील शिजलेले मिश्रण गार होऊ द्या. नंतर एका कढईत अर्धा किलो साखरमध्ये साखर बुडेल इतकं पाणी घालून 1 तारी पाक करून घ्या. नंतर यात कुकरमध्ये शिट्टी केलेलं कैरी साखरेचे मिश्रण घालून 20 ते 25 मिनिटे मोठ्या गॅसवर शिजवा…घट्ट होत आला की, गॅस बंद करा. नंतर यात वेलची पूड, केशर काड्या घालून साखर आंबा गार झाल्यावर बरणीत भरा…

Sugar Mango

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.