इंदिरानगर भागात आत्महत्या

इंदिरानगर| वार्ताहर | इंदिरानगर भागातील वेगवेगळ्या ठिकाणी दोन आत्महत्या झाल्याची घटना घडली आहे . यात एक तरुणी असून एक महिला आहे.

पोलिसांनी दिलेल्या माहितीनुसार, अल्फिया इब्राहिम पिंजारी( वय- 17 वर्षे, रा. मुमताज नगर, वडाळा गाव ) हिने लोखंडी अँगलला सुती ओढणीच्या साह्याने गळफास घेत आत्महत्या केली. आत्महत्याचे कारण अद्याप समजले नसून याबाबत इंदिरानगर पोलीस स्टेशनमध्ये गुन्हा दाखल करण्यात आला आहे. पुढील तपास पोलीस हवालदार किशोर खरोटे करत आहेत.

दुसऱ्या घटनेत कविता शरद धंदर (वय – 35 वर्षे, रा. सिद्धी संकुल, म्हाडा कॉलनी, पाथर्डी गाव ) यांनी राहत्या घरी बेडरूम मधील छताला असलेल्या पंख्याला नायलॉन पट्ट्याने गळफास घेऊन आत्महत्या केली. याबाबत आकस्मित मृत्यूची नोंद करण्यात आली असून याबाबत पुढील तपास सपोउनि दौलत पाळदे करत आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.