मनोरंजन

‘सूर नवा ध्यास नवा’-पर्व गाण्याचे, मराठी बाण्याचे कलर्स मराठीवर!

मुंबई :
संपूर्ण महाराष्ट्र ज्या कार्यक्रमाची मोठ्या आतुरतेने वाट बघत होता तो कार्यक्रम परत येतोय… तो रंगमंच पुन्हा एकदा सज्ज झाला आहे महाराष्ट्रातील सूरवीरांचे स्वप्न पूर्ण करण्यासाठी. कारण, कलर्स मराठीवर गाण्याची मैफल पुन्हा सजणार, सुरांशी पुन्हा मैत्री होणार, वाद्य आणि सूरांच्या जोडीने पुन्हा महाराष्ट्र अनुभवणार संगीताचा सुरेल नजराणा… आपला आवडता कार्यक्रम ‘सूर नवा ध्यास नवा’ – पर्व गाण्याचे, मराठी बाण्याचे लवकरच सुरू होत आहे.


अजूनही प्रत्येक पर्वात सुरवीरांनी सादर केलेली गाणी प्रेक्षकांच्या मनाचा ठाव घेतात. महाराष्ट्रच नव्हे तर संपूर्ण जगभरातून या कार्यक्रमाला भरभरून प्रेम मिळाले आहे म्हणूनच सूर नवा ध्यास नवाच्या चार पर्वांच्या अभूतपूर्व यशानंतर कलर्स मराठी पुन्हा घेऊन येत आहे ‘सूर नवा ध्यास नवा’ कार्यक्रमाचे पाचवे पर्व. यावर्षी देखील उत्तमातून उत्तम सूर शोधण्याचा ध्यास असणार आहे. महाराष्ट्राच्या वेगवेगळ्या भागांमध्ये जाऊन एक नवा सूर शोधण्याचा प्रवास मेपासून सुरु होणार आहे. कोल्हापूर, पुणे, औरंगाबाद आणि मुंबई या शहरांमध्ये 29 मेपासून रंगणार ऑडिशन्सची फेरी रंगणार आहे. याकरीता वयोगट असणार आहे 15 ते 35. तुम्ही लवकरात लवकर रियाझ करायला सुरुवात करा कारण तुमचे सुरेल गाणं ऐकायला सगळेच आतुर आहेत. या ऑडिशनमधून निवडल्या जाणार्‍या निवडक स्पर्धकांसोबत रंगणार आहे सुरांचं हे अद्वितीय पर्व.
या अनोख्या पर्वात सुरवीरांना मार्गदर्शन करतील कार्यक्रमाचे दोन लाडके परीक्षक अर्थात सुप्रसिध्द गायक, संगीतकार नि अष्टपैलू अदाकार अवधूत गुप्ते आणि शास्त्रीय गायकीची परंपरा लाभलेले राष्ट्रीय पुरस्कार विजेते गायक महेश काळे. संगीतक्षेत्रातले हे दोन मान्यवर कलावंत ‘सूर नवा ध्यास नवा’ च्या या पर्वातून शोध घेतील, महाराष्ट्राच्या नव्या सुरांचा…. महाराष्ट्राच्या नव्या सुरविराचा! या सुरेल कार्यक्रमाचे सूत्रसंचालन करणार आहे सर्वांची लाडकी गुणी अभिनेत्री स्पृहा जोशी. तर सज्ज व्हा, सुरांच्या या नव्या कोर्‍या सुमधुर मैफलीसाठी… सूर नवा ध्यास नवा- पर्व गाण्याचे, मराठी बाण्याचे!!!
29 मे रविवार (पुणे)
पी. जोग हायस्कूल, 57, छत्रपती राजाराम महाराज पथ, मयूर कॉलनी, कोथरूड, पुणे – 411029 वेळ : सकाळी 8 ते दु. 4 वा.
31 मे मंगळवार (औरंगाबाद)
देवगिरी महाविद्यालय, न्यू उस्मानपुरा, औरंगाबाद – 431005 वेळ : सकाळी 8 ते दु. 4 वा.
3 जून शुक्रवार (कोल्हापूर)
गायन समाज देवल क्लब, मंगळवार पेठ, कोल्हापूर – 416012 वेळ : सकाळी 8 ते दु. 4 वा.
5 जून रविवार (मुंबई) –
साने गुरुजी विद्यालय,भिकोबा पाठारे मार्ग, कॅटरिंग कॉलेजजवळ, दादर (पश्चिम), मुंबई – 400 028 वेळ : सकाळी 8 ते दु. 4 वा.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.

Recent Posts

चहाच्या पिशव्यांमधून सूक्ष्म प्लास्टिकचे कण!

- डॉ. किशोर पवार उकळत्या पाण्यात केवळ तीन मिनिटे ठेवलेल्या चहाच्या पिशवीतून (टी बॅग) सुमारे…

10 hours ago

ताम्रपटातील प्राचीन नाशिक

- रमेश पडवळ - चेतन राजापूरकर नाशिकचा प्राचीन इतिहास केवळ मंदिरे, लेणी आणि शिलालेखांपुरता मर्यादित…

10 hours ago

महागाईचे विष!

- सीमाताई मराठे अर्थशास्त्र हे केवळ आकड्यांचे खेळ नसते, तर ते सामान्य माणसाच्या ताटातील भाकरीचे…

10 hours ago

सोनिया गांधींचे पुस्तक यशस्वी

- राजेश शिरभाते काँग्रेस पक्षाच्या माजी अध्यक्ष, खासदार, माजी पंतप्रधान राजीव गांधी यांच्या पत्नी, इंदिरा…

10 hours ago

दिवाळी संपली; पुढे काय?

- अशोक थोरात दुष्काळ, जीवघेणी महागाई यात दिवाळी तर संपली, पण पुढील सहा महिने सर्वांनाच…

11 hours ago

विद्यार्थी : समाजाच्या उज्ज्वल भविष्याचे शिल्पकार

विद्यार्थी हा कोणत्याही राष्ट्राच्या सामाजिक, आर्थिक, सांस्कृतिक आणि बौद्धिक विकासाचा महत्त्वपूर्ण आधार असतो. राष्ट्राचे भविष्य…

11 hours ago