महाराष्ट्र

अभिनेत्री डॉ.जुई जवादे यांचे ‘२६ नोव्हेंबर’ चित्रपटातून पदार्पण

भारतीय संविधानाची सखोल माहिती देणारा अनिल कुमार जवादे आणि  ओंकार निर्मित सचिन उराडे लिखित आणि दिग्दर्शित ‘२६ नोव्हेंबर’ हा चित्रपट लवकरच प्रदर्शित होत आहे.या चित्रपटात डॉ.जुई जवादे ही नवोदित अभिनेत्री पदार्पण करत आहे. शरद पवार डेंटल कॉलेज, सावंगी येथून डॉ.जुई यांनी बीडीएस केलं असून व्हीएसपीएम डेंटल कॉलेज, नागपूर येथे इंटरशीप केले आहे. त्यानंतर त्यांनी दोन अनुभवी दंतचिकित्सकांच्या क्लिनिकमध्ये वर्षभर प्रॅक्टिस केली आहे. “Wizards of Waverly Place”, “Hannah Montana” सारखे डिस्ने शो लहानपणी बघायला त्यांना आवडायचे. त्यातूनच अभिनय, डान्स, गाणी याने डॉ. जुई यांच्या मनावर खोल परिणाम केला. रोज आरशासमोर सगळं बघून त्या अभिनयाची तालीम करायला लागल्या. या दरम्यान त्यांना ‘नैना’ नावाचं स्क्रिप्ट मिळालं.त्यात नकारात्मक भूमिका होती म्हणून त्यांनी आधी या चित्रपटाला नकार दिला कारण त्यावेळी त्यांच्यात आत्मविश्वास नव्हता. पण कुटुंबाने समजावलं “एकदा तरी प्रयत्न कर!” मग त्यांनी छोटासा सराव सुरू केला, आणि डायरेक्ट कॅमेऱ्यासमोर अभिनय  सुरू केला.तेथूनच त्यांचा अभिनय प्रवास सुरु झाला.त्यानंतर त्यांना ‘२६ नोव्हेंबर’ या चित्रपटात मुख्य भूमिका साकारायला मिळाली.
  डॉ.जुई यांनी अगोदर “The Legit Talks” हा टॉक शो २०२१ पासून केला आहे.त्यांचे “The Legit” हे मॅगझिन देखील कार्यरत आहे. तसेच हेल्थ आणि फिटनेस ट्रेनर  म्हणून त्या गेल्या ४ वर्षांपासून कार्यरत आहेत. गेल्या दोन वर्षांपासून त्या तरुणांना टॉक शो च्या माध्यमातून योग्य संधी शोधून देण्याचं मार्गदर्शन करत आहेत. अनिल कुमार जवादे आणि निलेश ओंकार निर्मित सचिन उराडे लिखित आणि दिग्दर्शित ‘२६ नोव्हेंबर’ हा घटनात्मक हक्कांची जाणीव करून देणारा महत्त्वाचा चित्रपट आहे.केवळ चित्रपट नसून,ही एक चळवळ आहे. या चित्रपटात डॉ.जुई यांच्यासोबत अनिकेत विश्वासराव, सयाजी शिंदे, विजय पाटकर, गणेश यादव, मुश्ताक खान, भारत गणेशपुरे, किशोर चौगुले, डॉ. विलास उजवणे आणि अंजली उजवणे यांसारखे प्रतिभावान कलाकारांनी प्रमुख भूमिका साकारल्या आहेत. हा चित्रपट प्रेक्षकांना केवळ भावनिक करणार नाही, तर त्यांना त्यांच्या हक्कांसाठी लढण्याची नवी प्रेरणा देईल,असे दिसते.या चित्रपटात डॉ.जुई यांनी महत्वपूर्ण भूमिका साकारली आहे. संविधान दिन १५ ऑगस्ट आणि २६ जानेवारीप्रमाणे मोठ्या प्रमाणावर साजरा व्हावा, हाच उद्देश घेऊन निर्मिती झालेला हा सिनेमा नागरिकांना त्यांच्या अधिकारांची जाणीव करून देण्यासाठी उभा राहिलेला एक प्रेरणादायी आवाज आहे.येत्या मे मध्ये हा चित्रपट प्रदर्शित होत आहे.
Editorial Team

Recent Posts

चहाच्या पिशव्यांमधून सूक्ष्म प्लास्टिकचे कण!

- डॉ. किशोर पवार उकळत्या पाण्यात केवळ तीन मिनिटे ठेवलेल्या चहाच्या पिशवीतून (टी बॅग) सुमारे…

10 hours ago

ताम्रपटातील प्राचीन नाशिक

- रमेश पडवळ - चेतन राजापूरकर नाशिकचा प्राचीन इतिहास केवळ मंदिरे, लेणी आणि शिलालेखांपुरता मर्यादित…

10 hours ago

महागाईचे विष!

- सीमाताई मराठे अर्थशास्त्र हे केवळ आकड्यांचे खेळ नसते, तर ते सामान्य माणसाच्या ताटातील भाकरीचे…

10 hours ago

सोनिया गांधींचे पुस्तक यशस्वी

- राजेश शिरभाते काँग्रेस पक्षाच्या माजी अध्यक्ष, खासदार, माजी पंतप्रधान राजीव गांधी यांच्या पत्नी, इंदिरा…

10 hours ago

दिवाळी संपली; पुढे काय?

- अशोक थोरात दुष्काळ, जीवघेणी महागाई यात दिवाळी तर संपली, पण पुढील सहा महिने सर्वांनाच…

11 hours ago

विद्यार्थी : समाजाच्या उज्ज्वल भविष्याचे शिल्पकार

विद्यार्थी हा कोणत्याही राष्ट्राच्या सामाजिक, आर्थिक, सांस्कृतिक आणि बौद्धिक विकासाचा महत्त्वपूर्ण आधार असतो. राष्ट्राचे भविष्य…

11 hours ago