एक कोटीच्या लाच प्रकरणातील फरार कार्यकारी अभियंत्यास अखेर अटक

एक कोटीच्या लाच प्रकरणातील फरार कार्यकारी अभियंत्यास अखेर अटक
नाशिक: प्रतिनिधी
एक कोटीच्या लाच प्रकरणातील एमआयडीसी चा फरार कार्यकारी अभियंता गणेश वाघ यास अटक करण्यात लाच लुचपत प्रतिबंधक विभागास अखेर यश आले असून त्याला अटक करून नगर येथील न्यायालयात हजर केले असता 19 नोव्हेबर पर्यंत पोलीस कोठडी देण्यात आली.
एमआयडीसी पोलीस स्टेशन अहमदनगर कडील गुन्हा रजिस्टर नंबर 1007/2023 भ्रष्टाचार प्रतिबंध अधिनियम 1988 चे कलम 7, 7अ,12 फरार गणेश लक्ष्मण वाघ यास ताब्यात घेतले, त्यास अटक करून आज अहमदनगर यांचे समोर हजर केले असता..मा.न्यायालयाने दि.19.11.2023.पर्यंत 6 दिवस कोठडी दिली. 1 कोटींची लाच घेताना पथकाने अमित गायकवाड यांना पकडले होते, या प्रकरणात गणेश वाघ याचा सहभाग होता, मात्र गुन्हा घडल्यापासून तो फरार होता, लाचलुचपत विभागाचे पथक त्यांच्या मागावर होते, अखेर पोलीस निरीक्षक स्वप्निल राजपूत यांनी त्यास पकडले, आज न्यायालयात हजर केले असता6 दिवस कोठडी देण्यात आली.