प्रशासकीय राजवटीतील कारभार मांडला जाणार

महासभेत श्वेतपत्रिका सादर करण्याची शक्यता

नाशिक : प्रतिनिधी
नाशिक महापालिकेत प्रशासक राजवट असताना मोठ्या प्रमाणात विकासकामांना मंजुरी देण्यात आली होती. यात रस्ते, पाणीपुरवठा, ड्रेनेज, उद्याने, स्वच्छता तसेच शहरातील पायाभूत सुविधांशी संबंधित कामांवर मोठ्या प्रमाणात निधी खर्च करण्यात आला होता. मात्र, या कामांत पारदर्शकपणा नसल्याचा आरोप नगरसेवकांनी करत प्रशासनाने श्वेतपत्रिका सादर करण्याची मागणी केली होती. त्यानुसार येत्या महासभेत प्रशासनातर्फे चार वर्षांचा कारभार मांडला जाण्याची शक्यता आहे.
प्रशासनाने काही दिवसांपूर्वी सर्व विभागांकडून केलेल्या कामांची माहिती मागितली होती. त्यानुसार ती जमा केल्याचे समजते आहे. महासभेत या विषयावर सविस्तर चर्चा होऊन काही प्रकरणांची चौकशी करण्याची मागणीही होऊ शकते, अशी चर्चा आहे. नाशिक महापालिकेच्या प्रशासकीय कार्यकाळात मंजूर झालेल्या विविध विकासकामांशी संबंधित श्वेेतपत्रिका पुढील महासभेत सादर होण्याची शक्यता व्यक्त केली जात आहे.

श्वेतपत्रिकेतून प्रशासकीय काळात घेण्यात आलेले महत्त्वाचे निर्णय, मंजूर निधी, खर्चाचा तपशील, तसेच विविध प्रकल्पांच्या अंमलबजावणीचा आढावा समोर येणार असल्याने महापालिका वर्तुळात उत्सुकता निर्माण झाली आहे. 13 मार्च 2022 पासून जानेवारी 2026 पर्यंत आता नव्या महासभेत या कामांच्या प्रक्रियेवर तसेच खर्चाच्या पारदर्शकतेवर चर्चा होण्याची शक्यता आहे. काही नगरसेवकांकडून प्रशासकीय कार्यकाळात घेतलेल्या निर्णयांची माहिती मागविण्यात आली असून, संबंधित विभागांकडून अहवाल तयार करण्याचे काम सुरू असल्याची माहिती मिळाली. विशेषतः निविदा प्रक्रिया, कामांचा दर्जा व निधी वापराबाबत प्रश्न उपस्थित होण्याची शक्यता आहे.

The administration of the administrative regime will be presented.