Categories: महाराष्ट्र

थंडीचा कडाका वाढला

नाशिक : प्रतिनिधी
शहरात गेल्या काही दिवसापासून वातावरणात बदल झाले असुन तापमानात घट झाली असुन थंडीचा पारा अधिक वाढला आहे. यंदाच्या वर्षी थंडीचे प्रमाण कमी असल्याचे चित्र होते. नोव्हेंबर महिन्याच्या तिसर्‍या आठवड्यात थंडी पडली होती. मात्र नंतर तापमान वाढून ऐन हिवाळ्यात उकाडा वाढला होता. मात्र गेल्या चार दिवसापासून शहरात थंडीचा कडाका वाढला आहे. शहरासह ग्रामीण भागातही थंडीचे प्रमाण वाढले आहे. निफाडला निच्चांकी तापमानाची नोंद झाली आहे.मागील दोन दिवसांपासून शहरात थंडीचा कडाका वाढला आहे. यंदाच्या वर्षी तापमानात दुसर्‍यांदा घसरण झाली असुन थंडीचा कडाका वाढल्याने नाशिककर चांगलेच गारठले आहेत. तापमान कमी झाल्याने दिवसभर वातावणात गारवा जाणवत आहे.
परिणामी शहरात आता निरभ्र आकाश आणि कडाक्याची थंडी असे चित्र आहे. दरवर्षीच नाशिक मधील कडाक्याची थंडी राज्यभर चर्चेचा विषय ठरते . कडाक्याच्या थंडीची नाशिककर आतुरतेने वाट पाहत असतात.थंडीचा जोर वाढल्याने ,स्वेटर ,मफलर ,कानटोप्या यांच्या खरेदीचे प्रमाण वाढले आहे. कालचे शहरातील किमान तापमान 10.4 इतके तर कमाल तापमान 28.6 इतके नोंदवले गेले. यंदा थंडीचा कडाका दर वर्षी इतका जाणवला नाही.मात्र आता थंडी वाढल्याने डिसेंबरच्या पुढील आठवड्यात आणि जानेवारीत पारा आणखीन घसरण्याचा अंदाज हवामान तज्ञांनी व्यक्त केली आहे.

मागील पाच दिवसात तापमानात झालेली घट
किमान कमाल
10 डिसेंबर 10.4 28.6
9 डिसेंबर 10.0 27.4
8 डिसेंबर 14.8 28.2
7 डिसेंबर 16.0 30.9
6 डिसेंबर 18.8 30.7

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.