डोंगराळे प्रकरणात नराधम दोषीला फाशी; पीडित कुटुंबाला १० लाखांची भरपाई
मालेगाव : तीन वर्षांच्या चिमुकलीवरील अत्याचार आणि निर्घृण हत्येने हादरलेल्या डोंगराळे प्रकरणात न्यायालयाने दोषी विजय खैरनार याला फाशीची शिक्षा सुनावली. दोन स्वतंत्र गुन्ह्यांत प्रत्येकी सात वर्षांचा कारावास आणि पीडित कुटुंबाला १० लाखांची भरपाई देण्याचे आदेशही न्यायालयाने दिले. राज्यभर संतापाची लाट निर्माण करणाऱ्या या प्रकरणात न्यायालयाच्या निकालाने महत्त्वाचा टप्पा गाठला आहे.