साकोरा मिग फाट्यावर बसची दुचाकीला धडक
ओझर : वार्ताहर
येथील मुंबई-आग्रा राष्ट्रीय महामार्गावर साकोरा मिग फाट्यावर रस्ता ओलांडणार्या मोटारसायकलस्वाराला एसटी बसने धडक दिली. या अपघातात मोटारसायकलस्वारासह महिला जखमी झाली. दोन्हीही जखमींना महामार्ग पोलिसांनी तत्काळ रुग्णवाहिकेद्वारे पिंपळगाव रुग्णालयात रवाना केले.पोलिसांच्या तत्परतेमुळे दोन्हीही जखमींचे प्राण वाचविले.
मुंबई- आग्रा महामार्गावर सोमवारी (दि. 3) सकाळी अकराच्या सुमारास ओझर पोलीस ठाणे हद्दीत साकोरे मिग फाट्यावर रस्ता ओलांडणार्या मोटारसायकलला (एमएच 15 एचजे 3963) नाशिककडून पिंपळगावकडे जाणार्या एसटी बसने (एमएच 06 एस 8073) धडक दिली. या अपघातात मोटारसायकलस्वार संतोष यादव देेवकर, मागे बसलेल्या सरला देवकर (दोघे रा. कसबे सुकेणे) हे गंभीर जखमी झाले. महामार्गावर पेट्रोलिंगसाठी निघालेले महामार्ग पोलिस पिंपळगाव केंद्राचे उपनिरीक्षक दीपक दोडे व सहकारी हवालदार नाईक, कोळी, वाघ व ढगे यांनी टोलनाक्याची रुग्णवाहिका बोलावून जखमींना पिंपळगाव येथील रुग्णालयात उपचारासाठी रवाना केले. तसेच अपघातामुळे विस्कळित वाहतूक सुरळीत केली. दरम्यान, अपघातातील जखमी दोघांना महामार्ग पोलिसांनी तत्परतेने मदत केल्यामुळे त्यांचे प्राण वाचले, असे स्थानिक नागरिक, वाहनचालकांनी सांगितले.
मनमाड : आमिन शेख मनमाड नजीक असलेल्या रायपूर भडाने या गावातील रामदास सिताराम आहेर या…
वर्षभरात साडेचार हजार किलो प्लास्टिक जप्त नाशिक : प्रतिनिधी महापालिका हद्दीत धोकादायक प्लास्टिक वापराला प्रतिबंध…
प्रथमच दूरदृश्यप्रणालीचा यशस्वी वापर नाशिक : प्रतिनिधी महाराष्ट्र राज्य सहकारी आदिवासी विकास महामंडळाने आपल्या विविध…
मौनव्रत असल्याने माध्यमांना प्रतिक्रिया नाही पंचवटी : वार्ताहर राष्ट्रवादी अजित पवार गटाचे माजी मंत्री धनंजय…
राजकीय पुनर्वसन कुठे होणार? नाशिक : प्रतिनिधी मुख्यमंत्री देवेंद्र फडणवीस यांची भेट घेऊन चर्चेत आलेले…
पुन्हा चूक होता कामा नये; जिल्हाधिकार्यांना इशारा नाशिक : प्रतिनिधी मुख्यमंत्री देवेंद्र फडणवीस यांनी गेल्या…