मालेगावच्या सुकी नदीतून वाळूचा होतोय अमर्याद उपसा

कारवाई करण्याची देशमुख यांची मागणी

मालेगाव : तालुक्यातील घोडेगाव शिवारात असलेल्या सुकी नदीपात्रातून गेल्या काही महिन्यांपासून वाळूचा अमर्याद उपसा सुरू आहे. यामुळे नदीपात्रात मोठ मोठे खड्डे पडले असून, वाळूचा हा अमर्याद उपसा तातडीने थांबविण्याची मागणी सेवानिवृत्त पोलीस निरीक्षक ए.ए. देशमुख यांनी केली आहे. यासंदर्भात त्यांनी जिल्हाधिकारी तसेच महसूल विभागाच्या सर्व संबधित अधिकार्‍यांना निवेदन दिले आहे. मालेगाव तालुक्यात घोडेगाव येथे सुकी नदी आहे.

या नदीला सद्या पाणी नाही. त्यामुळे याचा गैरफायदा घेत वाळूचा उपसा केला जात आहे. जेसीबीच्या सहाय्याने वाळूचा उपसा केल्यामुळे नदीपात्रात मोठमोठे खड्डे पडत असल्याने भविष्यात नागरिकांच्या जिवावर बेतू शकते. त्यामुळे हा वाळूचा उपसा थांबवावा, असे निवेदन देऊन एक महिन्याचा कालावधी उलटून गेला आहे. मात्र, संबधित विभागाने या निवेदनाची दखल देखील घेतलेली नाही. महसूल अधिकारी कर्मचारी आणि संबधित वाळू ठेकेदारांचे काही साटे लोटे आहे की काय? असा संशय यामुळे येत आहे. जिल्हाधिकार्‍यांनी तातडीने दखल घेऊन वाळूचा उपसा बंद करावा, अशी मागणी देशमुख यांनी केली आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.