येवल्यात मध्यरात्री चोरट्यांनी फोडली दोन मेडिकल दुकाने

येवला : प्रतिनिधी

शहरात मध्यरात्रीच्या सुमारास चोरट्यांनी देवीखुंट परिसरात दोन मेडिकल दुकाने फोडून चोरी केली. याबाबत येवला शहर पोलीस ठाण्यात गुन्हा दाखल झाला आहे. शहरात सोमवारी मध्यरात्रीच्या सुमारास चोरट्यांनी थेट पोलीस ठाण्यापासून हाकेच्या अंतरावर असलेल्या देवीखुंट परिसराला लक्ष्य केले. येथील सूरज मेडिकल आणि आदर्श मेडिकल चोरट्यांनी शटर उचकटून फोडले. चोरट्यांनी दोन्ही मेडिकलच्या शटरची कुलपे तोडली. दरम्यान, येवला शहर पोलीस ठाण्याजवळच ही धाडसी चोरी झाल्याने व्यापारी आणि नागरिकांमध्ये तीव्र संताप व्यक्त होत आहे. या घटनेची माहिती मिळताच पोलिसांनी तातडीने घटनास्थळी धाव घेतली. चोरीचा अचूक सुगावा लागावा यासाठी पोलिसांनी फॉरेन्सिक लॅब टीम आणि श्वानपथकाला पाचारण केलेे. फॉरेन्सिक टीम येईपर्यंत पोलिसांनी दुकान मालकांना आत जाण्यास मनाई केली होती. त्यामुळे दुकानातून नेमकी किती रोकड व मुद्देमाल चोरीला गेला याचा उलगडा होऊ शकलेला नाही. या चोरट्यांचा तत्काळ बंदोबस्त करावा, अशी मागणी होत आहे.

Thieves broke into two medical shops in Yeola at midnight.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.