पंक्चरवाल्याच्या खून प्रकरणी तीन जण ताब्यात

नाशिक: प्रतिनिधी
आडगाव पोलीस ठाण्याच्या हद्दीतील पंक्चरवाल्याचा खून करून फरार झालेल्या चार संशयित अवघ्या चार तासांत पोलिसांनी जेरबंद केले आहेत,
यश पवार, प्रसाद पवार एक बालक अशी आरोपीची नावे आहेत, यात एका विधी संघर्षित बालकाचाही समावेश आहे,
नाशिक शहरात वारंवार खुनाच्या घटना घडत असताना पुन्हा एकदा एका तरुणाचा खून झाल्याची घटना आडगाव पोलीस ठाणे हद्दीतील जेजुरकर मळा टाकळी परिसरात शनिवार २९ एप्रिल रोजी रात्रीच्या सुमारास घडली होती
सविस्तर माहितीनुसार चार अज्ञात हल्लेखोरांनी एका टायर पंक्चरच्या दुकानात काम करणाऱ्या तरुणावर हत्याराने वार करत त्याची हत्या केली आहे. पोलिस या प्रकरणाचा अधिक तपास करत असून, सुमारे ४ पथक गुन्हेगारांच्या मागावर गेल्याचे समजते. मयत युवकाचे नाव गुलाम रब्बानी असे आहे. नाशिक छत्रपती संभाजीनगर रोडवर असलेल्या जेजुरकर लॉन्सजवळ ही घटना घडली. चार संशयितांनी रब्बानीवर वार केले. पोटाला आणि डोक्याला मार लागल्याने तो जागीच ठार झाला. यानंतर हल्लेखोर तेथून पळून गेले. या घटनेची माहिती मिळताच, पोलीस उपायुक्त प्रशांत बच्छाव, किरणकुमार चव्हाण, आडगाव पोलीस ठाण्याचे वरिष्ठ पोलीस निरीक्षक इरफान शेख यांच्यासह इतर वरिष्ठ अधिकारी घटनास्थळी दाखल झाले. याचा तपास करत अवघ्या चार तासांत संशयित पकडण्यात पोलिसांना यश आले,

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.