कुत्र्याच्या हल्ल्यात चिमुकला गंभीर जखमी

लासलगाव:समीर पठाण

लासलगाव रेल्वे स्टेशन जवळील उड्डाणपूला जवळ राहत असलेल्या पाच वर्षांचा चिमुकला खेळत असताना अचानक पिसाळलेल्या भटक्या कुत्र्याने हल्ला केला या हल्ल्यात चिमुकला गंभीर जखमी झाल्याची घटना घडली आहे या भटक्या,मोकाट व पिसाळलेल्या कुत्र्यांचा बंदोबस्त करावा अशी मागणी आता ग्रामस्थ करत आहे

लासलगाव रेल्वे स्टेशन भागात भटक्या कुत्र्यांचा वावर वाढला असून याकडे टाकळी (विंचूर) ग्रामपंचायत प्रशासनाचे दुर्लक्ष झाले आहे.या दुर्लक्षित कारभारामुळे भटक्या,मोकाट व पिसाळलेल्या कुत्र्याचा चावा घेण्याच्या अनेक घटना घडत असताना लासलगाव रेल्वे स्टेशन जवळील उड्डाणपूला जवळ मोल मजुरी करणाऱ्या नामदेव सोनवणे यांचा मुलगा गणेश हा पाच वर्षीय चिमुकल्याला खेळत असताना अचानक पिसाळलेल्या कुत्र्याने गालाचा चावा घेत लचके तोडल्याने गंभीर जखमी झाल्याची घटना घडली.या चिमुकल्यावर विंचूर येथील एका खाजगी रुग्णालयात उपचार सुरू असून मोठा खर्च असल्याने घरची परिस्थिती अत्यंत हलाखीची असल्याने पुढील उपचार कसे करावे असा मोठा प्रश्न सोनवणे कुटुंबा समोर उभा राहिल्याचे गणेशची आई संगीता सोनवणे बोलत आहे

डॉक्टरांचे माणुसकीचे दर्शन…

पिसाळलेल्या कुत्र्याच्या हल्ल्यात पाच वर्षाचा गणेश हा चिमुकला गंभीर जखमी झाला असून तीन ते साडेतीन लाख रुपये बिल होणार जरी असेल मात्र यात फक्त मी लागणारा खर्च घेत या गरीब कुटुंबाला होईल तशी मदत करण्याचा प्रयत्न करणार असल्याचे उपचार करणारे खाजगी रुग्णालयातील डॉक्टरांनी सांगितले

मदतीचे सामाजिक कार्यकर्त्यांकडून आव्हान…

पिसाळलेल्या कुत्र्याच्या हल्ल्यात गंभीर जखमी झालेल्या गणेश च्या कुटुंबाची परिस्थिती एकदम हलाखीची असल्याने उपचार करण्यासाठी पैसा नसल्याने कसा उच्चार करावा अशी परिस्थिती निर्माण झाली आहे.या चिमुकल्याला एक हात मदतीचा म्हणून सामाजिक कार्यकर्ते बाळासाहेब दराडे यांनी पुढाकार घेत सोशल मीडियावर प्रकाश काळे यांचा फोन पे 9011525200 या नंबर वर किंवा A/c नंबर 50100170833755 HDFC BANKL ASALGAONI FSC.HDFC0004128 अकाउंट नंबर वर मदत करण्याची आव्हान केले आहे.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.