उद्धवसाहेब , तमाम शिवसैनिक तुमच्या सोबत !

शिंदे यांच्या बंडाळीनंतर नाशिकमध्ये झळकले बॅनर
नाशिक : मंत्री एकनाथ शिंदे यांच्या बंडामुळे शिवसेना एकटी पडते की काय ? असा प्रश्न उपस्थित होत असताना नाशिकमध्ये ‘ उद्धवसाहेब , तमाम शिवसैनिक तुमच्या सोबत ‘ अशा आशयाची बॅनरबाजी करण्यात आली . पंचवटी कारंजा येथे एका शिवसैनिकाने लावलेले हे बॅनर चर्चेचा विषय ठरले होते . विधान परिषदेच्या निवडणुकीत शिवसेनेची आणि काँग्रेसची मते फुटली . त्यानंतर एकनाथ शिंदे यांनी बंडाचा झेंडा हाती घेतल्यामुळे शिवसेनेच्या गोटात मोठी खळबळ उडाली . निकालानंतर शिवसेना नेते एकनाथ शिंदे ‘ नॉट रीचेबल ‘ राहत शिवसेनेला मोठा धक्का दिला . यामुळे शिवसेनेच्या पायाखालची जमीन सरकली आहे . शिवसेनेमध्ये झालेल्या या भूकंपामुळे आता सरकार कोसळते की काय ? अशी चिन्हे निर्माण झाल्याने कट्टर शिवसैनिक एकवटले आहेत . मुंबईत शिवसेना कार्यालयाबाहेर मोठ्या संख्येने शिवसैनिक एकत्र आल्यानंतर आता नाशिकमध्येही शिवसैनिकांनी बॅनरबाजी करून आम्ही शिवसेनेसोबत असल्याचे सांगितले आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.