विनाकारण रेल्वेची चेन खेचणाऱ्यांकडून ५ लाख ४२ हजाराचा दंड वसूल

मनमाड : वार्ताहर

रेल्वे प्रशासनाकडून अनेक वेळा चालू गाडीची चैन ओढण्यावरून जनजागृती करूनही प्रवासी ऐकत नसल्याने रेल्वेने अशा विरुद्ध धडक कारवाईला सुरुवात केली आहे . रेल्वेने कारवाईचा बडगा उगारला आहे . याबाबत दंडात्मक कारवाई करण्यात येत असून सुमारे सहा लाखचा दंड वसूल केला असल्याची माहिती रेल्वे प्रशासनाने दिली आहे . जानेवारी ते एप्रिल २०२२ या चार महिन्यांच्या जनजागृती मोहिमेअंतर्गत मध्यरेल्वेच्या भुसावळ विभागातर्फे योग्य कारणाशिवाय धावत्या गाडीची साखळी ओढल्याबद्धल ९ ५२ जणांकडून ५ लाख ४२ हजार ५० रुपये दंड वसूल करण्यात आला आहे . अशा बेकायदा अलार्म चेन पुलिंगबद्दल रेल्वे कायद्याच्या कलम १४ ९ अंतर्गत कारवाई केली जाते . ज्यामध्ये आरोपीला एक हजार रुपयांपर्यंत पर्यंत दंड किंवा एक वर्षापर्यंत कारावास किंवा दोन्ही शिक्षेची तरतूद आहे . प्रवाशांना जागरूक करण्यासाठी आरपीएफकडून वेळोवेळी यासाठी जनजागृती मोहीम राबविण्यात येते . यावर्षी जानेवारी ते एप्रिल महिन्यापर्यंत भुसावळ विभागाकडून , योग्य कारणाशिवाय चेन पुलिंग करणाऱ्या एकूण ९ ५२ व्यक्तींवर कारवाई करण्यात आली आणि ५ लाख ४२ हजार ५० रुपयांचा दंड वसूल करण्यात आला आहे .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.