शिवडेत वीज पडून तरुणाचा मृत्यू

सिन्नर : वार्ताहर दोन दिवसांपासून सिन्नर तालुक्यात वाव परिसरात तसेच नांदूरशिंगोटे परिसरात पावसाने जोरदाम हजेरी लावल्याने शेतात पाण असल्याचे दृश्य निर्माण झाले होते . अशातच बुधवारी दुपारी सगळीकडे विजांचा कडकडाट सुरू असताना बुधवारी ( दि . २२ ) दुपारी ३.४५ वाजत एका तरुणाच्या अंगावर वीज पडून जागीच मृत्य झाला . रवीद्र आनंदा पवार ( २१ , रा . शिवडे ) असे मृत तरुणाचे नाव आहे . रवींद्र हा आपल्या शेळ्या घेऊन परिसरात चारण्यासाठी फिरत होता . दुपारी ३.३० च्या दरम्यान शिवडे परिसरात अचानक विजांच्या कडकडाटासह जोरदार पावसाला सुरुवात झाली . यावेळी रवींद्र गावातील जनता विद्यालयाच्या पाठीमागील जागेव शेळ्या चारत होता . पाऊस सुरू झाल्याने तो जवळच असलेल्या एका झाडाखाली लपला . मात्र , त्याच वेळी झाडावर वीज पडल्याने रवींद्रला जोरदार झटक बसून त्याचा जागीच मृत्यू झाला . ग्रामस्थांनी तात्काळ घटनास्थळी जात त्याला गावातील आरोग्य केंद्रात उपचारासाठी दाखल केले . मात्र , डॉक्टरांनी त्यास तपासून मृत घोषित केले . रवींद्रचा मृत्यू झाल्याचे समजताच गावावर शोककळा पसरली होती . यानंत सिन्नर ग्रामीण रुग्णालयात शवविच्छेदन करून मृतदेह नातेवाइकांच्या ताब्यात देण्यात आला .