संत निवृत्तीनाथाच्या यात्रेसाठी 150 जादा बसेस

संत निवृत्तीनाथाच्या यात्रेसाठी 150 जादा बसेस
नाशिक ः प्रतिनिधी
त्रंबकनगरीत संत निवृत्तीनाथांच्या यात्रेनिमित्त भाविकंासाठी 150 बसेस सोडण्यात येणार असल्याची माहिती विभागाकडून देण्यात आली आहे.त्यामुळे त्रंबकनगरीत येण्यासाठी भाविक,प्रवाशांची सोय होणार आहे.एकादशी आणि द्वादशी दिवशी जादा गर्दी होण्याचा अंदाज वर्तविण्यात आला असल्याने दि.18 आणि 19 तारखेला दोन दिवस जादा बसेस सोडण्यात येणार आहे.
दि.16 ते 20 जानेवारी दरम्यान त्रंबकेश्वर येथे संत निवृत्तीनाथ महाराजांची यात्रा होत आहे.या यात्रेसाठी नाशिक जिल्ह्यासह महाराष्ट्रातून दिंड्या आणि वारकरी येत आहेत.तीन लाखांहून अधिक वारकरी,भाविक त्रंबकेश्वरला येण्याचा अंदाज प्रशासनाकडून करण्यात आला आहे.त्यामुळे यात्रोत्सवात बुधवार गुरूवार (दि.18 आणि 19) या दोन मुख्य दिवशी जादा बसेस सोडण्यात येणार आहे.
जादा बसेसमुळे प्रवाशी भाविकांची सोय होणार आहे.जादा बसेसच्या माध्यमातून एस.टीच्या उत्पन्नात भर पडणार आहे.
शहराच्या प्रवेशद्वारांवर जिल्ह्यासह राज्यातून विविध मानाच्या आणि लहानमोठ्या पालख्यांचे आगमन होत आहे.