अयोध्या :
भक्ती, प्रकाश आणि संस्कृतीचे प्रतिक मानल्या जाणार्‍या अयोध्या दीपोत्सव 2025 या कार्यक्रमाला आज सुरुवात झाली आहे. या सोहळ्यासाठी संपूर्ण देशातून लाखो लोक अयोध्येमध्ये दाखल झाले आहेत. सकाळपासून या सोहळ्याला सुरुवात झाली असून भाविकांसह साधू-संत देखील या सोहळ्याचे साक्षीदार होण्यासाठी आले आहेत.ऐतिहासिक, पौराणिक आणि धार्मिक महत्त्व असलेल्या अयोध्यानगरीमध्ये दीपोत्सव सोहळा होत आहे. आज दिवाळी सणात तीन विश्वविक्रम प्रस्थापित झाले. प्रथम, आज संध्याकाळी एकाच वेळी 26 लाख 11 हजार 101 दिवे लावले. दुसरे म्हणजे 2,100 पुजारी शरयू नदीच्या काठावर शरयू नदीची भव्य आरती केली. तिसरे म्हणजे, 1,100 ड्रोनसह एक विशेष शो आयोजित केला.
दिवाळीचा सण हा प्रभू श्री रामांच्या लंकावरील विजयाचा विजयोत्सव मानला जातो. या निमित्ताने प्रभू रामांची जन्मभूमी असलेल्या अयोध्येमध्ये नेत्रदीपक असा दिव्यांचा झगमगाट केला जातो. शरयू नदीच्या तीरावर लाखो दिवे लाऊन दिवाळी साजरी केली जाते. तसेच लेझर आणि लाईट शो देखील सर्वांचे लक्ष वेधून घेतो. उत्तर प्रदेशचे मुख्यमंत्री योगी आदित्यनाथ यांच्या साक्षीने अयोध्येतील या दीपोत्सव सोहळ्याला सुरुवात झाली आहे.
मुख्यमंत्री योगींनी राममंदिरात दिवे लावले. त्यानंतर दीपोत्सवाला सुरुवात झाली. यासोबतच राम की पैडी येथे दिवे लावण्यास सुरुवात झाली. एकाच वेळी 26 लाख 11 हजार 101 दिवे लावण्यात आले. ड्रोन वापरून दिव्यांची गणना करण्यात आली. राम की पैडी येथे लेसर लाईट शो सादर करण्यात आला. रामकथा पार्क येथे हेलिकॉप्टरने उतरलेल्या भगवान राम, सीता आणि लक्ष्मण यांचे मुख्यमंत्री योगी यांनी स्वागत केले. येथे मुख्यमंत्र्यांनी सर्वांना पुष्पहार अर्पण केला. त्यानंतर, भगवान राम आणि सीतेला त्यांच्या रथातून स्टेजवर ओढण्यात आले. येथे सर्वांना तिलक लावल्यानंतर आरती करण्यात आली. त्यानंतर भगवान रामाचा राज्याभिषेक करण्यात आला.
तत्पूर्वी, साकेत कॉलेजमधून 22 झांकी आणि एक मिरवणूक काढण्यात आली. तीन किलोमीटर अंतर कापल्यानंतर, मिरवणूक रामकथा पार्कमध्ये पोहोचली. 22 पैकी सात झांकी रामायणातील अध्यायांवर आधारित होत्या. इतर झांकी महाकुंभमेळा, महिला सक्षमीकरण आणि उत्तर प्रदेश सरकारच्या प्रमुख योजनांवर आधारित होत्या. आसाममधील एका कलाकाराने देवी कालीच्या भयंकर रूपात एक भयानक नृत्य सादर केले. तो रस्त्यावर आगीच्या गोळ्यांमध्ये नाचला. त्याच्या मुकुटातून ज्वाला बाहेर पडताच लोक थक्क झाले.