फरार दत्तात्रेय गाडे अखेर पोलिसांच्या जाळ्यात

पुणे: संपूर्ण राज्यात खळबळ उडवून देणाऱ्या स्वारगेट येथील बलात्कार प्रकरणातील संशयित आरोपी दत्तात्रेय गाडे याला रात्री उशिरा पोलिसांनी अटक केली, गुन्हा केल्यानंतर शिरूर मधील त्याच्या गावात तो उसामध्ये लपून बसला होता. मात्र भूक लागल्याने तो ओळखीच्या घरी गेला तेथे त्याने जेवायला मागितले, आणि पोलिसांना संबंधित व्यक्तीने कळताच पोलिसांनी त्याच्या मुसक्या आवळल्या.

स्वारगेट येथील बस स्थानकात एका 26 वर्षीय तरुणीवर बलात्कार केल्याची घटना घडल्यानंतर आरोपी दत्तात्रय गाडे हा फरार झाला होता, त्याला शोधण्यासाठी पोलिसांनी 13 पथके तैनात करण्यात आली होती. ड्रोन आणि श्वान पथक त्याचा शोध घेत होते. पोलिसांनी त्याची माहिती देणाऱ्यास 1 लाखांचे बक्षीसही जाहीर केले होते. गुनाट गावातून मध्यरात्री पोलिसांनी त्याला ताब्यात घेतले आहे.