दुचाकी झाडावर आदळून दोघे ठार

सातपूर: प्रतिनिधी

ट्रीपल सीट मोटारसायकल झाडावर आदळून झालेल्या अपघातात दोन जण ठार, तर एक जण जखमी झाल्याची घटना एबीबी सर्कलनजीक घडली.
याबाबत गंगापूर पोलीस ठाण्याचे हवालदार विजय खैराते यांनी फिर्याद दिली आहे. त्यात म्हटले, की  विशाल संजय मराठे (वय २०, रा. मु. पो. अक्कलकुवा, जि. नंदुरबार) हा   एमएच १५ जीपी ६२०४ या क्रमांकाची मोटारसायकलवरून काल एबीबी सर्कलकडून सिटी सेंटर मॉलकडे ट्रीपल सीट जात होता. ही भरधाव मोटारसायकल लक्षिका लॉन्सच्या समोर दुभाजकाजवळ असलेल्या झाडावर जाऊन आदळली.

या अपघातात दुचाकीचालक विशाल मराठे याच्यासह मागे बसलेला विष्णू प्रमोद जोशी (वय १८) हे दोघे जण ठार झाले, तर त्यांचा तिसरा साथीदार हर्षल रवींद्र शिरसाठ (वय २२, रा. श्रमिकनगर, सातपूर) हा गंभीर जखमी झाला आहे. या प्रकरणी गंगापूर पोलीस ठाण्यात अपघाताचा गुन्हा दाखल करण्यात आला असून, पुढील तपास वरिष्ठ पोलिस निरिक्षक रियाज शेख यांच्या मार्गदर्शनाखाली सहाय्यक पोलीस निरीक्षक बैसाणे करीत आहेत.