घोटी-सिन्नर महामार्गावर हायवा-कारचा अपघात

घोटी-सिन्नर महामार्गावर हायवा-कारचा अपघात
धामणगांव/वार्ताहर

घोटी सिन्नर महामार्गावर धामणगांव येथे सकाळी १० वाजेच्या दरम्यान साई-सर्विस स्टेशनच्या समोर ईको गाडी क्रमांक एम.एच-१५ एच.एम.२६५७ व समृद्धी महामार्गाचा हायवा क्रमांक एम.एच-४१ ए. यु-९००१ यांची समोरासमोर धडक होऊन गाडी चालक मधुकर बांडे हे जखमी झाले. गाडीमध्ये असलेले गणेश पाटील,शांती पाटील, अनिकेत पाटील हे सर्व रा.भिवंडी व मिराबाई बनकर, नारायण बांडे व लक्ष्मीबाई बनकर राहणार भरवीर खुर्द येथील असून त्यांना स्थानिकानी एस.एम.बी.टी ॲम्बुलन्स च्या मदतीने जवळच असलेल्या एस.एम.बी.टी हॉस्पिटलमध्ये दाखल केले असून त्यांच्यावर उपचार सुरू आहेत.
वाहन चालक मधुकर बांडे यांच्या पायाला गंभीर दुखापत झाली असून नशीब बलवत्तर म्हणून इको गाडीत असलेले इतर प्रवासी सुखरूप असून महामार्गावर मोठ्या प्रमाणात वाहतूक कोंडी झाली व अपघाताची माहिती स्थानिकांनी घोटी पोलीस स्टेशनला दिली.

घोटी सिन्नर महामार्गावर रात्री व दिवसा समृद्धी महामार्गाचे ये-जा करणाऱ्या वाहने सगळे नियम डावलून वाहतूक करत असतात,असे अनेक अपघातदेखील झालेले असून संबंधित समृद्धी महामार्गाच्या प्रशासनाने त्यांच्या वेग मर्यादेवर निर्बंध बसविणे गरजेचे आहे.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.