प्रशांत दामले यांना अक्षय्य पुरस्कार

नाशिक : प्रतिनिधी

दि. न्यू एज्युकेशन इन्स्टिटयूटतर्फे दरवर्षी देण्यात येणारा अक्षय्य पुरस्कार यंदा ज्येष्ठ अभिनेते प्रशांत दामले यांना जाहीर करण्यात आला आहे. बिटको बॉइज हायस्कूलमध्ये झालेल्या पत्रकार परिषदेत संस्थेचे अध्यक्ष प्रकाश वैशंपायन यांनी ही माहिती दिली. दि.न्यू .एज्युकेशन सोसायटीतर्फे2016 पासून अक्षय्य पुरस्कार देण्यात येतो. सोमवारी दिनांक 30 रोजी महाकवी कालिदास कलामंदिर येथे दुपारी साडेचार वाजता हा सोहळा होणार आहे. 25 हजार रुपये रोख,सन्मानपत्र, सन्मानचिन्ह असे पुरस्काराचे स्वरुप आहे. पुरस्कार सोहळ्यानंतर प्रशांत दामले यांची सुधीर गाडगीळ यांची प्रकट मुलाखत घेणार आहे. यापूर्वी हा पुरस्कार डॉ. विकास आमटे, भारती आमटे, कविता राऊत, राज्याचे माजी मुख्य सचिन द..म. सुकथनकर,पद्मश्री ह्दयनाथ मंगेशकर,सचिन पिळगावकर यांना हा पुरस्कार प्रदान करण्यात आलेले आहेत. रंगभूमीवरील कारकीर्दीबद्दल दामले यांना हा पुरस्कार देण्यात येणार आहे.