Categories: महाराष्ट्र

सुकदेव मुरकुटे यांना राष्ट्रपती पोलिस पदक जाहीर

नाशिक : वार्ताहर
लाच लुचपत प्रतिबंधक विभागातील पोलीस उपनिरीक्षक सुकदेव मुरकुटे यांना राष्ट्रपती पोलीस पदक जाहीर झाले आहे.
1990 ला पोलीस सेवेत दाखल झालेल्या मुरकुटे यांनी मनमाड शहरातून सेवेला प्रारंभ केला. स्थानिक गुन्हे शाखा, नाशिक ग्रामीण, दहशतवाद विरोधी पथक, आर्थिक गुन्हे शाखा आदी ठिकाणी त्यांनी काम केले. मनमाड येथे असताना ओझर पोलिस स्टेशन दरोड्यातील आंतरराज्य दरोडेखोरांच्या टोळीतील संशयित आरोपीला केवळ वायरलेस संदेशावरील वर्णनाच्या आधारे त्यांनी पकडले होते. येवला शहर पोलिस स्टेशन येथे कार्यरत असताना राज्य महामार्गावर दरोडे घालणार्‍या आंतरराज्य दरोडेखोरांच्या टोळीने बंदुकीतून गोळीबार केल्यानंतरही त्यांनी स्वत:चा जीव धोक्यात घालून बंदुकीसह पकडले होते. दहशतवाद विरोधी पथकात कार्यरत असताना औरंगाबाद शस्त्रसाठा प्रकरण व जंगली महाराज रोड पुणे येथील साखळी बॉम्बस्फोटातील अतिरेकी अनुक्रमे सैयद मुस्तफा व बंटी जहागीरदार यांना हैदराबाद व नगर येथून अटक करून यशस्वी कामगिरी केली होती.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.