नाशिक बाजार समितीत पिंगळे गटाची सरशी

पंचवटी : सुनील बुणगे

नाशिक जिल्ह्याच लक्ष लागून असलेल्या नाशिक कृषी उत्पन्न बाजार समित्यांच्या संचालक मंडळासाठीची मतदान प्रक्रियेला सकाळी आठ वाजता जिल्हाधिकारी कार्यालय आवारात पोलिसांच्या कडेकोट बंदोबस्तात सुरूवात झाली. नाशिक कृषी उत्पन्न बाजार समितीच्या पंचवार्षिक निवडणुकीसाठी १८ जागांकरिता होत असलेल्या निवडणुकीत तीन जागा बिनविरोध झाल्या असल्याने उर्वरित १५ जागांसाठी ३७ उमेदवारांसाठी शनिवार (दि.२९) रोजी मतदान मोजणी प्रक्रियेला शांततेत आणि चोख पोलीस बंदोबस्तात सुरूवात झाली असून यात पिंगळेंच्या आपलं पॅनलचे ग्रामपंचायत मतदार संघातील अनुसुचित जमाती गटातून भास्कर गावित ८९९ मिळून विजयी झाले आहे . तर चुंभळे यांच्या शेतकरी पॅनलच्या यमुना जाधव यांचा २४९ मताधिक्याने पराभव झाला.

यात भास्कर गावित यांना ८९९ तर चुंभळे गटाच्या यमुना जाधव यांना ६५० मते मिळाली. तर अपक्ष अलका झोमन यांना २४१ मते मिळाली. या गटात एकूण २००० मतदान झाले तर वैध मते १७९० झाली. यात २१० अवैध मते आढळली. तर ग्रामपंचायत आर्थिक दुर्बल गटात निर्मला कड ९९९ आणि सदानंद नवले ८१९ अशी मत मिळाली असून पिंगळे यांच्या आपल पॅनलचे निर्मला कड विजयी झाल्या .

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.