शिवाजी संकुलात मध्यरात्री कोयता, चॉपरने हल्ला

उपनगर पोलिस ठाण्यात तिघांविरुद्ध गुन्हा

सिडको : विशेष प्रतिनिधी
उपनगर पोलिस ठाणे हद्दीत शिवाजी संकुल, भीमनगर, जेलरोड येथे रात्री तीनच्या सुमारास हत्याराने हल्ला करून मारहाण केल्याप्रकरणी तिघांविरुद्ध गुन्हा दाखल करण्यात आला आहे. याप्रकरणी रोशन भागवत काळे (वय 27, रा. भीमनगर, जेलरोड, नाशिकरोड) यांनी तक्रार दिली आहे.
आरोपी सतीश भालेराव, सूरज अनिल भालेराव आणि मयूर जानराव (सर्व रा. भीमनगर, जेलरोड) यांनी जुन्या भांडणाची कुरापत काढून शिवाजी संकुलाच्या पार्किंगमध्ये फिर्यादीवर कोयता व चॉपरने हल्ला केला. यात फिर्यादीच्या डोक्याला आणि उजव्या पायास दुखापत झाली.
या प्रकरणातील काही आरोपींपैकी काहींचा गंभीर गुन्ह्यांमध्ये पूर्वेइतिहास असून त्यांच्यावर गंभीर अशा गुन्ह्यांप्रमाणे कारवाई झाली आहे. काही आरोपींवर प्रतिबंधात्मक कारवाईदेखील झाली होती. दरम्यान, याप्रकरणी उपनगर पोलिस ठाण्यात गुन्हा दाखल करण्यात आला आहे.
वरिष्ठ पोलिस निरीक्षक जितेंद्र सपकाळे यांच्या मार्गदर्शनाखाली महिला पोलिस निरीक्षक स्नेहा बर्वे तपास करत आहेत.