थेटाळेत विहिरीत आढळला पती-पत्नीचा मृतदेह

लासलगाव : वार्ताहर
थेटाळे (ता. निफाड) येथे मध्यरात्रीच्या सुमारास विहिरीत तरुण पती-पत्नीचा मृतदेह आढळल्याने परिसरात एकच खळबळ उडाली आहे.
याबाबत माजी पोलीसपाटील बाळकृष्ण पर्वत पवार यांनी लासलगाव पोलीस ठाण्यात खबर दिली की, दि. 29 डिसेंबर 2025 रोजी रात्री साडेअकराच्या सुमारास मृतांचे शेत गट क्रमांक 114 मधील विहिरीत योगेश भाऊसाहेब शिंदे (वय 35) व पत्नी सोनाली योगेश शिंदे (वय 32) हे दोघेही बुडालेल्या अवस्थेत आढळून आले. या घटनेची माहिती मिळताच लासलगावचे सहाय्यक पोलीस निरीक्षक भास्करराव शिंदे व पोलीस उपनिरीक्षक किरण साळुंखे यांनी तातडीने घटनास्थळी धाव घेतली. ग्रामस्थांच्या मदतीने मृतदेह विहिरीबाहेर काढून रुग्णवाहिकेद्वारे लासलगाव ग्रामीण रुग्णालयात उपचारासाठी दाखल करण्यात आले. मात्र, तेथील वैद्यकीय अधिकारी डॉ. अमोल राठोड यांनी तपासणीअंती दोघांनाही मृत घोषित केले. या घटनेप्रकरणी लासलगाव पोलीस ठाण्यात अ. मृत्यू रजि. नं. 63/2025 भारतीय नागरी सुरक्षा संहिता कायदा कलम 194 नुसार नोंद करण्यात आली आहे.

Bodies of husband and wife found in well in Thetale