सिडको हादरले: दारूवरून भांडणात एकाचा खून

सिडको : दिलीपराज सोनार

अंबड पोलीस ठाण्याच्या हद्दीत असलेल्या दत्त मंदिर बसस्टॉपजवळील देशी दारु दुकानाबाहेर दारुच्या नशेत एका इसमाच्या डोक्यात लाकडी दांडा टाकुन खुन झाल्याची घटना मंगळवारी दुपारी साडे बारा वाजेच्या सुमारास घडली. उंटवाडी परिसरातील गणपत घारे (वय ५० वर्षे) असे मयताचे नाव आहे. गणपत घारे आणि आरोपी समोद कौर (वय ३५ वर्षे) हे दोघेही देशी दारु दुकानासमोर दारू पित बसले होते. किरकोळ कारणावरून त्यांच्यात शाब्दिक बाचाबाची झाली. या वादात समोद कौर याने लाकडी दांडक्याने गणपत घारे यांच्या डोक्यात जबर मार केला. या मारामुळे गणपत घारे यांचा जागीच मृत्यू झाला. घटनास्थळी अंबड पोलीस दाखल झाले असून आरोपीला अटक करण्यात आली आहे. दोघेही दारूच्या नशेत होते आणि नशेच्या अवस्थेतच हा खून झाल्याचे पोलिसांनी सांगितले.