शहरात आत्महत्येचे सत्र सुरूच .

नाशिक : शहरातील विविध भागात राहणाऱ्या तिघांनी गळफास घेत आत्महत्या केली आहे . याप्रकरणी पोलीस ठाण्यात नोंद करण्यात आला आहे . आत्महत्या करणाऱ्यांमध्ये एका युवतीचा समावेश आहे . अरिंगळे मळा येथे राहणाऱ्या १६ वर्षीय युवतीने आत्महत्या केल्याची घटना घडली आहे . अश्विनी गोपाल असे मयत युवतीचे नाव आहे . ७ मे रोजी अश्विनी हिने राहत्या घरी गळफास घेत आत्महत्या करण्याचा प्रयत्न केला असता , तीला घरच्यांनी उपचारासाठी बिटको रुग्णालयात दाखल केले असता , डॉ . पाटील यांनी तीला तपासून मयत घोषित केले . दुसरी घटना कामटवाडे भागात घडली . येथे राहत असलेल्या महेश नथोबा भोसले ( वय ४६ ) यांनी आपल्या राहत्या घरी बेडरूममध्ये सिलिंग फॅनला ओढणीच्या सहाय्याने गळफास घेत आत्महत्या केली . तिसरी घटना खुटवडनगर भागात घडली . या ठिकाणी राहत असलेल्या ओमप्रकाश विजय बहादूर सिंग ( वय ४० ) याने राहत्या घराच्या सिलिंगला असलेल्या लोखंडी हूकला कापडाच्या सहाय्याने गळफास घेत आत्महत्या केली .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.