कोरोना लसीकरणासाठी ‘ हर घर दस्तक – २ ‘ मोहीम

नवी दिल्ली : कोरोना प्रतिबंधक लसीकरण मोहीम संथ झाली आहे . देशभरात तिला चांगलीच गती देण्याची गरज आहे . त्यामुळे केंद्राने सर्व राज्यांना जूनपासून ‘ हर घर दस्तक मोहीम २ ‘ दोन महिने राबवण्याची सूचना केली आहे . आरोग्य मंत्रालयाने सर्व राज्ये व केंद्रशासित प्रदेशांना आवाहन केले आहे की , देशभरात संपूर्ण लसीकरणाच्या उद्दिष्टपूर्तीसाठी मोहिमेची गती वाढवण्याची गरज आहे . राज्य आणि केंद्रशासित प्रदेशांच्या प्रतिनिधींसह झालेल्या बैठकीत केंद्रीय आरोग्य सचिव राजेश भूषण यांनी ही सूचना केल्याची माहिती आरोग्य मंत्रालयाने एका पत्रकाद्वारे दिली . पत्रकात नमूद केले आहे , की ‘ हर घर दस्तक ‘ योजनेचा दुसरा टप्पा राज्ये व केंद्रशासित प्रदेशांनी राबवावा . येत्या जून व जुलैत सर्व जिल्हे , गाव पातळीवर सर्वत्र ही योजना अंमलात आणावी .