शीत कड्यावरून उडी घेत दिव्यांग तरुणाची आत्महत्या

दिंडोरी: प्रतिनिधी

नाशिक जिल्ह्यातील सप्तशृंग गड येथील शीत कड्यावरून उडी घेऊन दिव्यांग तरुणाने आत्महत्या केल्याची घटना घडली.

हरिसिंग रायसिंग पवार (वय ३४, रा. ब्राम्हणवेल ता. साक्री, जि. धुळे) असे मृत तरुणाचे नाव आहे.पोलीस सूत्रांनी दिलेल्या माहितीनुसार, दि. २८ एप्रिल २०२६ रोजी सकाळी सुमारे १० वाजण्याच्या सुमारास गडावरील शितकड्यावरून उडी घेतल्याची माहिती मिळाली. यानंतर वणी पोलिसांनी तात्काळ घटनास्थळी धाव घेतली. भातोडा गावातील तरुणांच्या मदतीने मृतदेह खाली उतरविण्यात आला.
त्यानंतर दुपारी सुमारे ३.३० वाजण्याच्या दरम्यान मृतदेह वणी ग्रामीण रुग्णालयात आणण्यात आला. येथे शवविच्छेदन करण्यात आले.
या प्रकरणी वणी पोलीस ठाण्यात आकस्मिक मृत्यूची नोंद करण्यात आली असून वणी पोलीस ठाण्याच्या सहाय्यक पोलीस निरीक्षक  गायत्री जाधव यांच्या मार्गदर्शनाखाली पुढील तपास सुरू आहे.