फिफा विश्वचषकाच्या ’ट्रायोंडा’ फुटबॉलचे अनावरण

तंत्रज्ञान, डिझाइनचा अनोखा संगम; 11 जून रोजी उद्घाटन सोहळ्यात होणार वापर

मेक्सिको सिटी :
फिफा आणि अ‍ॅडिडास यांनी कॅनडा, मेक्सिको आणि अमेरिका या देशांमध्ये 11 जूनपासून संयुक्तपणे आयोजित होणार्‍या आगामी फिफा विश्वचषकासाठी ‘ट्रायोंडा’ या अधिकृत हाय-टेक फुटबॉलचे अनावरण केले आहे.
केवळ 4 पॅनेलची रचना आणि अत्याधुनिक इन-बिल्ट मायक्रोचिप तंत्रज्ञान असलेला हा चेंडू फुटबॉलच्या इतिहासातील एक मोठी क्रांती मानला जात आहे. या चेंडूचा पहिला अधिकृत वापर 11 जून रोजी मेक्सिको सिटी येथे होणार्‍या विश्वचषकाच्या उद्घाटनाच्या सामन्यात करण्यात येणार आहे.
‘ट्रायोंडा’ हा मूळ स्पॅनिश भाषेतील शब्द असून, त्याचा अर्थ ‘तीन लाटा’ असा होतो. 2026 च्या विश्वचषकाचे यजमानपद भूषवणार्‍या कॅनडा, मेक्सिको आणि युनायटेड स्टेट्स (अमेरिका) या तीन देशांच्या एकतेचे हे प्रतीक आहे. या फुटबॉलच्या डिझाइनवर कॅनडाचे ‘मॅपल लीफ’, मेक्सिकोचा ‘गरुड’ आणि अमेरिकेचे ‘तारे’ यांचे सुंदर चित्रण करण्यात आले आहे. पांढर्‍या बेसवर लाल, हिरव्या आणि निळ्या रंगांच्या लाटा या तीन देशांच्या ध्वजांचे आणि संस्कृतीचे प्रतिनिधित्व करतात.

डिझाइनमधील क्रांती आणि अ‍ॅरोडायनॅमिक्स
अ‍ॅडिडासने जुन्या डिझाइन्सना मागे टाकत हा चेंडू केवळ चार मोठ्या पॅनेलमध्ये तयार केला आहे. सांधे कमी झाल्यामुळे हा चेंडू पूर्णपणे गोल झाला आहे. यामुळे हवेतील घर्षण कमी होऊन चेंडूचा वेग, स्थिरता आणि दिशा अधिक अचूक राहणार आहे. तसेच, चेंडूच्या बाहेरील सूक्ष्म नक्षीमुळे पावसाळी किंवा दमट हवामानातही खेळाडूंना चेंडूवर उत्तम नियंत्रण मिळवता येईल.

FIFA World Cup ‘Trionda’ football unveiled

 

Leave a Reply

Your email address will not be published. Required fields are marked *