नाशिक

अंबासनला एकाच रात्रीत पाच ठिकाणी घरफोडी

चोरट्यांचा धुमाकूळ; लाखोंचा ऐवज लंपास

सटाणा : प्रतिनिधी
तालुक्यातील अंबासन येथे चोरट्यांनी एकाच रात्रीत पाच ठिकाणी घरफोडी करत गावात धुमाकूळ घातला. या घटनेत
सोने-चांदीच्या दागिन्यांसह लाखोंची रोकड चोरून नेल्याचे समजते.
जायखेडा पोलीस ठाणे हद्दीतील अंबासन येथे मध्यरात्रीच्या सुमारास कुलूप कोयंडा तोडून चोरट्यांनी एक कृषी सेवा केंद्र व चार वेगवेगळ्या घरांना लक्ष्य केले. संबंधित कुटुंबे बाहेरगावी गेल्यावर चोरट्यांनी घराचे दरवाजे व खिडक्या तोडून आत प्रवेश केला. चोरट्यांनी महेंद्र कोर यांचे मे.जाणता राजा कृषी सेवा केंद्राचे शटर उचकटून प्रवेश केला. दुकानातील साहित्य अस्ताव्यस्त केले होते. चोरट्यांनी किती रक्कम पळवून नेली हे समजू शकले नाही. चोरट्यांनी बस स्थानकाजवळील भाऊसाहेब कोर यांच्या बंगल्याच्या मागील बाजूने किचनचा दरवाजा तोडून सुमारे तीन ते चार लाखांपेक्षा अधिक रुपयांचे सोने चोरले, तर त्यांचे बंधू गंगाधर कोर यांच्या घरातून स्थानिक सोसायटीतून उचलेले 85 हजार व घरातील रक्कम अशी एक लाख तीस हजारांची रोकड लंपास केली. श्री. कोर लग्नसमारंभासाठी नाशिक येथे गेले होते, तर संतोष माळी यांच्या घराचा कडीकोयंडा तोडून चोरट्यांनी सोने व काही रक्कम लंपास केली. संतोष माळी यांचे कुटुंबीय बाहेरगावी असल्याने नेमकी किती सोने व रक्कम चोरून नेली, हे कळू शकले नाही. मनोज खैरनार यांनी आदल्या दिवशीच घराला पावसामुळे गळती लागली म्हणून दुसर्‍या घरात राहायला गेल्याने चोरट्यांच्या हाती काहीच लागले नसल्याचे सांगितले. जायखेडा पोलीस ठाण्याचे सहाय्यक पोलीस निरीक्षक सागर काळे, उपनिरीक्षक संदिप चेडे, नानासाहेब पाटील यांनी घटनास्थळी भेट दिली.

पोलिसांकडून गस्त बंदच

अंबासनसह परिसरात अनेक वर्षांपासून जायखेडा पोलिसांकडून

रात्रीची होणारी गस्त बंदच असल्याचे बोलले जात आहे.

यामुळे पोलिसांच्या कार्यपद्धतीबाबत नागरिकांनी तीव्र नाराजी व्यक्त केली.

पोलीस प्रशासनाकडून गावात गस्त वाढवावी, अशी मागणी केली आहे.

Editorial Team

Recent Posts

अर्जुन

ज्ञानोबा माउलींच्या शब्दातून - सुप्रिया सुरवाडे जीवन सुंदरच आहे , पण ते अधिक सुंदर होतं…

4 minutes ago

देण्या-घेण्याच्या चक्रातलं आयुष्य आणि उमेद

- अनिल उदावंंत आपलं आयुष्य आनंदरंगात रंगून जावं, ही प्रत्येक माणसाची स्वाभाविक इच्छा असते. त्यासाठी…

12 minutes ago

सिन्नर-नाशिक एसटी भाड्याचा घोळ

सिन्नर : प्रतिनिधी सिन्नर-नाशिक एसटी प्रवासात भाडे आकारणीचा गोंधळ पुन्हा ऐरणीवर आला आहे. एकाच दिवशी…

23 minutes ago

हिवाळी फॅशन टिप्स

1. लेअरिंगचा ट्रेंड : टी-शर्टवर शर्ट किंवा जॅकेट घालून स्टायलिश लूक मिळवा. 2. हुडीला पसंती…

40 minutes ago

स्वतःची फॅशन ओळख

आरशासमोर उभं राहणं म्हणजे फक्त चेहरा बघणं नाही, तर स्वतःला समजून घेण्याचा एक खास क्षण…

50 minutes ago

तुळशी विवाह : एक आरोग्यदायी प्रथा!

भारतात कार्तिक शुद्ध एकादशी ते कार्तिक पौर्णिमा या कालावधीत घरोघरी तुळशी विवाह लावण्याचा प्रघात आहे.…

1 hour ago