मुंबई-नाशिक महामार्गावर अपघातात चौघांंचा मृत्यू

इगतपुरी : प्रतिनिधी
मुंबई-नाशिक महामार्गावर बुधवारी (दि.16) दुपारी दोन वाजेच्या सुमारास भीषण अपघात झाला. या अपघातात चार जणांचा मृत्यू झाला, तर सहा जण गंभीर जखमी झाले आहेत. अपघातात झालेल्या मृतांमध्ये लहान मुलांचा आहे.
मुंबई-नाशिक महामार्गावर शहापूर तालुक्यातील आटगावजवळ दोन वर्षांपूर्वी जळालेल्या उभ्या असलेल्या ट्रकला इर्टिगा कारने मागून जोरदार धडक दिल्याने हा अपघात झाला. अपघातातील सर्व जोगेश्वरी येथील राहणारे होते. देवदर्शनासाठी कुटुंबासह नाशिक व त्र्यंबकेश्वरला आले होते. देवदर्शन आटोपून पुन्हा जोगेश्वरीकडे (मुंबई) जात असताना परतीच्या प्रवासात आटगावजवळ हा भीषण अपघात झाला. अपघातात चार जणांचा जागीच मृत्यू झाला असून, यात दोन लहान मुलांचा समावेश आहे. सहा जण जखमी झाले आहेत.
मिळालेल्या माहितीनुसार, त्र्यंबकेश्वरचे दर्शन आटोपून हे कुटुंब मुंबईच्या दिशेने परतत होते. यादरम्यान मुंबई-नाशिक महामार्गावर शहापूर तालुक्यातील आटगावजवळ एका वाहनाचा चक्काचूर झाला असून, आतील प्रवाशांना गंभीर दुखापती झाल्या. या दुर्घटनेत चार जणांचा जागीच किंवा उपचारादरम्यान मृत्यू झाला, तर सहा जण गंभीर जखमी झाले आहेत. श्रीराम जैस्वाल, आयुष जैस्वाल, लाडो जैस्वाल, सूरज जैस्वाल यांचा मृत्यू झाला आहे. सुभी जैस्वाल, शिवम जैस्वाल, हाशिक जैस्वाल, सुनीता जैस्वाल, राधिका जैस्वाल, सतीश जैस्वाल हे सहा जण गंभीर जखमी झाले आहेत. गंभीर जखमींवर शहापूर येथील उपजिल्हा रुग्णालयात उपचार सुरू आहेत.

Four killed in accident on Mumbai-Nashik Highway