नाशिकमध्ये इन्फ्लूएंझाचे चार रुग्ण

नाशिक : प्रतिनिधी
भारताच्या काही भागात इन्फ्लूएंझाचे रुग्ण आढळल्यामुळे आरोग्य यंत्रणश सतर्क झाली असतानाच नाशिक शहरातही चार रुग्ण आढळून आले आहेत. बदलत्या वातावरणाचा परिणाम म्हणून देशभरात प्रादुर्भाव झालेल्या एच3 एन 2 या विषाणूचे आतापर्यंत शहरात चार रुग्ण आढळून आले आहेत. या चारही रुग्णांची प्रकृती चांगली असून, नागरिकांनी घाबरुन जाऊ नये, असे आवाहन आरोग्य विभागाने केले आहे. 4 फेब्रुवारीला सिडकोतील एक महिला आढळून आल्यानंतर इंदिरानगर, महात्मानगर, आणि सिडकोतील आणखी एका महिलेला या विषाणूची लागण झाल्याचे आरोग्य विभागाकडून सांगण्यात आले.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.