पंचवटी : वार्ताहर
बांधकाम क्षेत्रातील व्यावसायिकाने फिर्यादीस कॉलेज रोड परिसरात जुना फ्लॅट घेतल्याचे सांगून तो रिन्युएशन करून विकून टाकू, असे सांगत सुमारे 46 लाखांची फसवणूक केल्याचा प्रकार घडला. याबाबत म्हसरूळ पोलिस ठाण्यात गुन्हा दाखल करण्यात आला आहे.
याबाबत रामदास हरी पवार (वय 51, शुभम सदन, पवार कॉलनी, आरटीओसमोर, पेठ रोड) यांनी म्हसरूळ पोलिस ठाण्यात फिर्याद दाखल केली आहे. बांधकाम क्षेत्रातील व्यावसायिक असलेले राजू सीताराम मानमोठे (वय 41, रा. वृंदावननगर किशोर सूर्यवंशी मार्ग, म्हसरूळ) यांनी दि. 23 जुलै 2024 ते 1 ऑगस्ट 2014 दरम्यान वृंदावननगर, किशोर सूर्यवंशी मार्ग, म्हसरूळ, नाशिक यांनी फिर्यादी रामदास पवार यांना सांगितले की, मी कॉलेजरोड याठिकाणी एक जुना फ्लॅट घेतला असून, तुम्ही मला काही पैसे द्या. मी काही पैसे टाकतो. आपण त्या फ्लॅटचे रिन्युएशन करून चांगल्या किमतीत विकून टाकू. तुम्ही मला जे पैसे द्याल त्याच्या दुप्पट रक्कम तुम्हाला परत देईन, असे आश्वासन देऊन त्यांचा विश्वास संपादन केला. त्यांच्याकडून वेळोवेळी ऑनलाइन बँकिंगद्वारे 15 लाख 50 हजार रुपये घेतले. तसेच पवार यांच्याप्रमाणे इतरांनाही माहिती देऊन त्यांचा विश्वास संपादन करून त्यांच्याकडून 30 लाख 50 हजार रुपये घेऊन एकूण 46 लाख रुपयांची फसवणूक केली आहे. याबाबत म्हसरूळ पोलिस ठाण्यात गुन्हा दाखल करण्यात आला. वरिष्ठ पोलिस निरीक्षक अंकुश चिंतामण यांच्या मार्गदर्शनाखाली पोलिस उपनिरीक्षक मनोहर क्षीरसागर तपास करत आहेत.
न्यायपालिकेचे स्वातंत्र्य आणि तिचे पावित्र्य हा कोणत्याही लोकशाहीचा मुख्य कणा असतो; परंतु अलीकडच्या काळात न्यायपालिकेतील…
मतदार याद्यांच्या सखोल पुनरीक्षण मोहिमेतील कथित अनियमितता आणि मतचोरीच्या आरोपांवरून मुख्य निवडणूक आयुक्त ज्ञानेश कुमार…
डॉ. कंचन लोकवाणी यांची अनोखी शक्तिउपासना ♣ ‘नवदुर्गा’ ♣ नाशिकरोड : अनिल गुंजाळ नवरात्र सुरू…
वॉटरग्रेसचा ठेका रद्दची मागणी नाशिक : प्रतिनिधी वॉटरग्रेस कंपनीने सुमारे दोनशे सफाई कामगारांना काढून टाकले…
नाशिक : प्रतिनिधी नवरात्रोत्सवाच्या उत्साहात नाशिक शहरात सध्या रास गरब्याची रंगत पाहायला मिळत आहे. पारंपरिक…
महापौर हिमगौरी आडके : रामकाल पथसह महत्त्वाच्या विकासावर चर्चा नाशिक : प्रतिनिधी स्वित्झर्लंड मधील जीनिव्हा…