इगतपुरीत तिघांचा बुडून मृत्यू

इगतपुरी : प्रतिनिधी
येथील नगर परिषदेच्या तलावामध्ये बुडून तीन जणांचा दुर्दैवी मृत्यू झाल्याची घटना घडली.पाच सहा दिवसांपूर्वीच मासेमारी करण्यासाठी गेलेल्या दोघांचा बुडून मृत्यू झाल्याची घटना घडली होती.
इगतपुरीच्या नगरपरिषद तलाव परिसरात रमिज अब्दुल कादीर (36), नदीम अब्दुल कादीर शेख (34) हे दोघे पोहण्यासाठी गेले फिरण्यासाठी गेले होते. त्यावेळी ते तलावात पडल्याने बुडू लागताच शाहनवाज कादिर शेख हे वाचविण्यासाठी गेले असता तिघांचाही बुडून मृत्यू झाला. घटना घडताच नगरपरिषदेचे कर्मचारी तातडीने बचावासाठी पाण्यात उतरले. मात्र, नाका तोंडात पाणी गेल्याने गुदमरुन मृत्यू झाला. त्यात शाहनवाज शेख यांना तातडीने बचावण्यात यश आले होते. मात्र, रुग्णालयात ऑक्सिजन नसल्याने वेळेत ऑक्सिजन न मिळाल्याने मृत्यू झाला.

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.