क्राईम

इंस्टाग्रामची मैत्री पडली महागात, वर्ग मित्राने मैत्रिणी सोबत केले असे काही….

इंस्टाग्रामवरून ब्लॅकमेल; अल्पवयीन मुलीकडून लाखोंची वसुली
– नाशिकरोड पोलीस ठाण्यात तिघांविरुद्ध गुन्हा दाखल

सिडको विशेष प्रतिनिधी – सोशल मीडियाच्या अतिवापराचे गंभीर परिणाम समोर आले असून, नाशिकमध्ये अल्पवयीन मुलाने आपल्या वर्गातील अल्पवयीन मुलीचे विवस्त्र फोटो व्हायरल करण्याची धमकी देत तिच्याकडून तब्बल सहा ते सात लाख रुपयांची वसुली केल्याचा धक्कादायक प्रकार समोर आला आहे. नाशिकरोड पोलीस ठाण्यात याप्रकरणी तिघांविरुद्ध गुन्हा दाखल करण्यात आला आहे.

सर्व संबंधित विद्यार्थी एकाच शाळेतील असून, आरोपी व पीडित मुलगी हे अल्पवयीन आहेत. पोलिसांनी दिलेल्या माहितीनुसार, २०२३ साली पीडित मुलीची ओळख शाळेतील दोन मुलांशी झाली. सोशल मीडियावर संपर्क वाढत गेला आणि त्यातील एकाने तिला भावनिक फसवून विवस्त्र व्हिडीओ कॉलसाठी भाग पाडले. त्यानंतर त्याने फोटो व्हायरल करण्याची धमकी देत वेळोवेळी पैसे उकळण्यास सुरुवात केली. पीडित मुलीने घाबरून घरातील लॉकरमधून पैसे काढून दिले. काही दिवसांनी दुसऱ्या मित्राने देखील फोटो असल्याचे सांगून ६०-७० हजारांची मागणी केली. त्यानंतर आणखी एक मुलगी पुढे येत, तिने देखील धमकी देऊन ७ हजार रुपये उकळले.

शेवटी पीडितेच्या आईला तिचा मोबाईल सापडल्यावर सर्व प्रकार उघडकीस आला. तिने मुलीला विश्वासात घेऊन विचारणा केली असता हा संपूर्ण प्रकार समोर आला. नंतर तिघांविरुद्ध नाशिकरोड पोलीस ठाण्यात तक्रार दाखल करण्यात आली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

22 minutes ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

28 minutes ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

36 minutes ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 hour ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 hour ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 hour ago