लासलगावच्या पहिल्या महिला सरपंच कुसुमताई होळकर यांचे निधन

लासलगाव: प्रतिनिधी

लासलगावच्या प्रथम महिला सरपंच कुसुमताई सीताराम पाटील होळकर याचं आज दु:खद निधन झाले. त्यांच्या निधनाने तीव्र दु:ख झाले. स्व.सीताराम पाटील होळकर यांच्या सोबतीने तितक्याच ताकदीने लासलगाव पंचक्रोशीत राजकीय व सामाजिक क्षेत्रात कार्यरत असणाऱ्या कुसुमताई यांच्या निधनाने एक सक्षम महिला नेतृत्व काळाच्या पडद्याआड गेले आहे. त्यांनी लासलगाव ग्रामपंचायत सरपंच व नाशिक जिल्हा परिषदेचे सदस्य पदही भूषविले. त्यांच्या निधनाने होळकर कुटुंबीयांवर दु:खाचा डोंगर कोसळला असून मी व माझे कुटुंबीय त्यांच्या कुटुंबियांच्या दु:खात सहभागी आहोत. ईश्वर मृताच्या आत्म्यास चिरशांती देवो हीच श्रद्धांजली अर्पण करतो, अशा शब्दांत माजी मंत्री छगन भुजबळ यांनी श्रद्धांजली अर्पण केली.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.