नाशिक

निमगाव – सिन्नरला मजुरांवर वीज कोसळली; एकाचा मृत्यू, दोघे गंभीर

पावसापासून बचावासाठी ट्रॉलीखाली घेतला आसरा; काही क्षणांतच घडली दुर्घटना

सिन्नर : प्रतिनिधी
अचानक आलेल्या पावसापासून बचाव करण्यासाठी ट्रॉलीखाली थांबलेल्या मजुरांवर वीज कोसळल्याने एकाचा जागीच मृत्यू तर दोघे गंभीर जखमी झाल्याची घटना तालुक्यातील निमगाव-सिन्नर येथील रुपाळ मळ्यात मंगळवारी (दि. 22) दुपारी अडीचच्या सुमारास घडली. जगदीश जाडीया (40, रा. सेंधवा, मध्य प्रदेश) असे मृताचे नाव आहे.
खिलारसिंग कुटिया मेहता (40) आणि विक्रम घोटे (50, दोघेही रा. सेंधवा) हे जखमी झाले असून, त्यांच्यावर सिन्नर ग्रामीण रुग्णालयात उपचार सुरू आहेत.
योगेश चिंधू सानप यांच्या शेतात टोमॅटो तोडणीसाठी सेंधवा येथून आठ मजूर आले होते. दुपारी अचानक सोसाट्याचा वारा सुटून पावसाला सुरुवात झाली. त्यामुळे मजूर शेतातील ट्रॉलीखाली आडोशाला थांबले. त्याचवेळी अचानक वीज कोसळली. यात जगदीश जाडीया, खिलारसिंग मेहता आणि विक्रम घोटे हे तिघेही बेशुद्ध पडले. स्थानिकांनी तिघांना तातडीने सिन्नर ग्रामीण रुग्णालयात दाखल केले. मात्र, डॉक्टरांनी तपासणी केल्यानंतर जगदीश जाडीया यांना मृत घोषित केले. दोघांवर उपचार सुरू आहेत. दरम्यान, गोंदे येथे दि. 22 रोजी दुपारी 3 वाजेच्या दरम्यान आलेल्या पावसामध्ये आशाबाई शंकर शिंदे यांची गाय वीज पडून दगावली आहे.
घटनेची माहिती मिळताच मुसळगाव पोलिसांनी घटनास्थळी धाव घेतली. याप्रकरणी अकस्मात मृत्यूची नोंद करण्याची प्रक्रिया रात्री उशिरापर्यंत सुरू होती.

Lightning strikes laborers at Nimgaon-Sinnar; one dead, two critically injured.

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

1 day ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

1 day ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

1 day ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

1 day ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

1 day ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

1 day ago