मालेगावात पती पत्नीची आत्महत्या

मालेगाव: प्रतिनिधी

मालेगाव शहरात पती पत्नी च्या आत्महत्येने एकच खळबळ उडाली आहे. डी. के. चौक भागातील माऊली चौकात वास्तव्यास राहणाऱ्या पती-पत्नीने घरात गळफास घेत आत्महत्या केल्याचा उघडकीस आला आहे. पंकज दिगंबर बिरारी (४५) व रेणुका पंकज बिरारी (४०) असे आत्महत्या केलेल्या दाम्पत्यांची नावे आहेत.घटनेची माहिती मिळताच पोलिसांनी घटनास्थळी धाव घेत पंचनामा केला दोघांचे मृतदेह पुढील तपासणीसाठी रुग्णालयात हलविले.

सायंकाळच्या सुमारास बिरारी दांपत्याने आपल्या मुलास खेळण्यास पाठविले. साडेआठ वाजेच्या सुमारास खेळण्यास गेलेला मुलगा घरी आल्यावर घराचा दरवाजा आतुन बंद होता. यानंतर त्याने शेजाऱ्यांना सांगितल्याने दोघा पती पत्नी यांना आवाज दिला परंतू काहीही प्रतिसाद न मिळाल्याने त्यांनी बिरारी यांचे शालक यांना बोलावून घेतले त्यांनाही काहीही प्रतिसाद न मिळाल्याने दरवाजा तोडण्यात आल्यानंतर पंकज यांनी घरातील हॉलमध्ये तर रेणुका यांनी किचनमध्ये गळफास घेतल्याचे दिसून आले. सदर घटनेने शहरात एकच खळबळ उडाली असून शहरवासियांकडून हळहळ व्यक्त होत आहे.

भागवत उदावन्त Admin

भागवत उदावंत हे गेल्या 25 वर्षापासून पत्रकारितेत असून, विविध दैनिकांत उपसंपादक, वरिष्ठ उपसंपादक म्हणून काम केलेले आहे. गांवकरीत सध्या वृत्तसंपादक या पदावर कार्यरत आहेत. ऑनलाइन व डिजिटल पत्रकारिता बरोबरच राजकीय विषयावर विपुल लेखन केलेलं आहे. पत्रकारितेतील मास्टर पदवी त्यांनी मिळवलेली आहे.