लासलगावच्या सोहननगरात गॅसटाकीचा भीषण स्फोट

filter: 0; fileterIntensity: 0.0; filterMask: 0; captureOrientation: 0; algolist: 0; multi-frame: 1; brp_mask:8; brp_del_th:0.0004,0.0000; brp_del_sen:0.3000,0.0000; motionR: null; delta:null; bokeh:0; module: photo;hw-remosaic: false;touch: (-1.0, -1.0);sceneMode: 2621440;cct_value: 0;AI_Scene: (6, 0);aec_lux: 115.0;aec_lux_index: 0;albedo: ;confidence: ;motionLevel: 0;weatherinfo: weather?null, icon:null, weatherInfo:100;temperature: 46;

पाच जण बचावले; आर्थिक मोठे नुकसान

लासलगाव : वार्ताहर
लासलगाव येथील सोहननगर परिसरात मंगळवारी दुपारी गॅसटाकीचा भीषण स्फोट झाल्याने परिसरात एकच खळबळ उडाली. या दुर्घटनेत पत्र्याच्या घरासह घरातील संसारोपयोगी साहित्याचे मोठ्या प्रमाणात नुकसान झाले. सुदैवाने घरातील पाच जण थोडक्यात बचावले आहेत. प्रचंड उकाड्यामुळे घरातील सदस्य घराबाहेर झाडाखाली बसले असल्याने मोठी जीवितहानी टळली.
सोहननगर येथील शंकर खैरे यांच्या पत्र्याच्या घरामध्ये अचानक गॅसटाकीचा जोरदार स्फोट झाला. स्फोटाचा आवाज परिसरात दूरवर ऐकू गेल्याने नागरिकांमध्ये घबराट पसरली. स्फोट इतका तीव्र होता की, घरातील भांडी, कपडे व इतर संसारोपयोगी साहित्याचे मोठ्या प्रमाणात नुकसान झाले. तसेच स्फोटानंतर लागलेल्या आगीमुळे परिसरातील काही झाडेही जळून खाक झाली.
घटनेची माहिती मिळताच परिसरातील नागरिकांनी तातडीने घटनास्थळी धाव घेत मदतकार्य सुरू केले.
दरम्यान, सिद्धवीर हनुमान मित्रमंडळाच्या टँकरच्या सहाय्याने आग आटोक्यात आणण्यात आली. त्यामुळे आणखी मोठा अनर्थ टळला. या घटनेमुळे सोहननगर परिसरात काही काळ भीतीचे वातावरण निर्माण झाले होते. सुदैवाने कोणतीही जीवितहानी झाली नसली तरी कुटुंबाचे मोठे आर्थिक नुकसान झाले असून, नागरिकांकडून हळहळ व्यक्त करण्यात येत आहे.

Massive gas tank explosion in Sohannagar, Lasalgaon

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.