नाशिक

एचपीव्ही लशीबाबत सोशल मीडियावर चुकीचे संदेश

अफवांवर विश्वास न ठेवण्याचे आरोग्य विभागाचे आवाहन

नाशिक ः प्रतिनिधी
एचपीव्ही लसीकरण मोहिमेला रविवारपासून सुरुवात झाली आहे. गर्भाशय मुखाच्या कर्करोगावर नियंत्रणासाठी ही मोहीम असून या मोहिमेत 14 वर्षे पूर्ण झालेल्या परंतु 15 वर्षे पूर्ण न झालेल्या मुलींना गार्डसील-4 या एचपीव्ही लस देण्यात येणार आहे. परंतु सोशल मीडियावर ही लस घेतल्यास मुली कधीही आई बनू शकणार नाहीत, तसेच इतर आजार होण्याचा धोका आहे, अशा अफवा पसरवल्या जात आहेत. त्यामुळे जिल्हा आरोग्य अधिकारी सुधाकर मोरे यांनी अशा अफवांवर विश्वास न ठेवण्याचे आवाहन केले आहे.
गर्भाशय मुखाचा कर्करोग रोखण्यासाठी महाराष्ट्र शासनाने एचपीव्ही लसीकरण मोहीम सुरू केली आहे. देशपातळीवर या मोहिमेचा शुभारंभ 28 फेब्रुवारी रोजी पंतप्रधान नरेंद्र मोदी यांच्या हस्ते करण्यात आला. राज्यात ही मोहीम रविवार 8 मार्चपासून सुरू करण्यात आली आहे. नाशिक जिल्ह्यात दि.12 पासून प्रभावी अंमलबजावणी केली जाणार आहे.
जिल्ह्यात ही मोहीम जिल्हाधिकारी आयुष प्रसाद, मुख्य कार्यकारी अधिकारी ओमकार पवार आणि उपसंचालक आरोग्य सेवा नाशिक मंडळ डॉ. कपिल आहेर यांच्या मार्गदर्शनात राबविण्यात येत आहे.
ही मोहीम पुढील तीन महिन्यांपर्यंत राबविण्यात येणार असून त्यानंतर ही लस नियमित लसीकरण कार्यक्रमासोबत देण्यात येईल. मोहीम यशस्वी होण्याकरिता आरोग्य विभागातील अधिकारी, कर्मचारी, शिक्षण विभाग, महिला बाल कल्याण विभाग, आदिवासी विभाग व इतर विभागांचे सहकार्य लाभणार आहे. या मोहिमेचे नियोजन जिल्हा शल्य चिकित्सक डॉ. सतीश शिंपी व जिल्हा आरोग्य अधिकारी डॉ. सुधाकर मोरे यांनी केले आहे.

कोणाला मिळणार लस?

या मोहिमेत 14 वर्षे पूर्ण झालेल्या; परंतु 15 वर्षे पूर्ण न झालेल्या मुलींना गार्डसील-4 या एचपीव्ही लशीची 0.5 मिली मात्रा डाव्या दंडातील स्नायूमध्ये दिली जाणार आहे. ही लस जिल्ह्यातील सर्व प्राथमिक आरोग्य केंद्रे, ग्रामीण रुग्णालय, उपजिल्हा रुग्णालय, महिला रुग्णालय आणि जिल्हा रुग्णालय येथे मोफत उपलब्ध करून देण्यात येणार आहे.

राज्यस्तरावरून एचपीव्ही लस देण्यास दि. 12 पासून सुरुवात होणार आहे. सोशल मीडियावर गैरसमज पसरवले जात आहेत. यासंदर्भात राज्यस्तरावर बैठक झाली आहे. गैरसमज दूर करण्यासाठीचे व्हिडिओ आणि इतर गोष्टींमधून गैरसमज दूर केले जाणार आहेत. त्यामुळे पालकांनी घाबरून जाऊ नये.
– डॉ.सतीश शिंपी, जिल्हा शल्यचिकित्सक, नाशिक

महिलांमधील गर्भाशय मुखाचा कर्करोग ही गंभीर चिंतेची बाब असून तो प्रामुख्याने ह्यूमन पॅपिलोमा व्हायरस या विषाणूमुळे होतो. हा असा एकमेव कर्करोग आहे जो लसीकरणाद्वारे टाळता येऊ शकतो.

Misinformation on social media about HPV vaccine

Sheetal Nagpure

शीतल नागपुरे या गांवकरी मध्ये डिजिटल विभागात कार्यरत असून, १ वर्षापासून ऑनलाइन वृत्त संकलनाचे काम करत आहेत. त्या पदवीधर असून, त्यांना वाचनाची आवड आहे.

Recent Posts

लाल कांद्याच्या दरात 400 रुपयांची घसरण

लासलगाव : वार्ताहर लासलगाव कृषी उत्पन्न बाजार समितीत गुरुवार (दि. 19) आणि शुक्रवार (दि. 20)…

19 hours ago

सगुण-निर्गुण एकचि पांडुरंग!

कार्तिकी एकादशी जिला प्रबोधिनी एकादशी किंवा देवउठनी एकादशी असेही म्हटले जाते. या दिवशी पांडुरंगाच्या दर्शनासाठी…

19 hours ago

थेट विरोध

दोन्ही राष्ट्रवादी काँग्रेस पक्षांच्या विलीनीकरणाची राजकीय वर्तुळात चर्चा सुरूच आहे. शरद पवारांच्या आजारपणात विलीनीकरणाची चर्चा…

19 hours ago

ड्रेनेज, पाणीपुरवठ्याच्या 370 कोटींच्या खर्चाला मंजुरी

सिंहस्थासाठी साधुग्राममध्ये पंधराशे एकरमध्ये काम होणार नाशिक : प्रतिनिधी सिंहस्थ कुंभमेळ्याच्या पार्श्वभूमीवर तपोवनातील साधुग्राममध्ये विविध…

19 hours ago

इलेक्ट्रिक बससाठी स्वतंत्र पासची आवश्यकता नाही

अतिरिक्त भाडेही नाही; सिटीलिंकची माहिती नाशिक : प्रतिनिधी केंद्र शासनाच्या योजनेंतर्गत नाशिकसाठी 50 इलेक्ट्रिक बसेस…

19 hours ago

स्वीकृतच्या दहा नगरसेवकांची अखेर नियुक्ती

महासभेत घोषणा; दुसरी जागा ठाकरे गटाने मिळवलीच नाशिक : प्रतिनिधी संपूर्ण शहराचे लक्ष लागून राहिलेल्या…

19 hours ago