म्हसरूळ पोलिस ठाण्याच्या हद्दीत रिक्षाचालकाचा खून

सिडको : दिलीपराज सोनार

म्हसरूळ पोलिस ठाण्याच्या हद्दीत एका युवकाचा खून झाल्याची घटना घडली आहे. गेल्या पंधरा दिवसांत ही शहरातील दुसरी घटना असून काही दिवसांपूर्वी पंचवटीतील कर्णनगर परिसरात एका युवकाची त्याच्याच मित्रांनी मागील भांडणाची कुरापत काढून खून केल्याची घटना घडली होती. त्यानंतर आज पुन्हा एकदा म्हसरूळ परिसरात एका युवकाची हत्या झाल्याची घटना घडली आहे.दरम्यान गेल्या पंधरा दिवसात शहरातील खुनाची दुसरी घटना असुन यावरुन शहारातील कायदा व सुव्यवस्था बिघडत चालली की काय असा सवाल उपस्थित होत आहे
याबाबत अधिक माहिती अशी की, प्रशांत अशोक तोडकर (वय २८) रा. आदर्शनगर, रामवाडी असे हत्या झालेल्या युवकाचे नाव आहे. सदर युवक हा रिक्षाचालक चालक असून तो सीबीएस ते म्हसरूळ या मार्गावर रिक्षा चालवत होता. सदर युवकाची दगडाने ठेचून हत्या केल्याचे बोलले जात असून शनिवारी दिवसभर हा युवक घरी होता. पंरतु, रात्री तो घराबाहेर पडला होता, अशी माहिती समोर आली आहे. त्यानंतर आज सकाळी आठ वाजता मयत युवकाच्या भावाला पोलिसांकडून (Police) त्याचा खून झाल्याची घटना समजली. सदर युवकाच्या पश्चात दोन भाऊ, एक बहिण आणि आई वडील असा परिवार आहे.आयुक्तालय हद्दीतील वाढती गुन्हेगारी, खुन हाणामारी, चोरी, घरफोड्याच्या गुन्ह्यात दिवसेंदिवस वाढ होत असल्यामुळे नाशिककरांच्या सुरक्षेचा प्रश्न पुन्हा एकदा ऐरणीवर आला आहे