नाशिक पुन्हा हादरले, पंचवटीत खून

बाबागीरी करत असल्याच्या संशयावरून घडला प्रकार

पंचवटी: प्रतिनिधी

पेठ रोडवरील फुलेनगर येथील गौडवाडी परिसरात सोमवारी (२ जून) मध्यरात्रीच्या सुमारास खून झाल्याची घटना उघडकीस आली आहे.दरम्यान या प्रकरणी एका संशयिताला ताब्यात घेतले असून पुढील तपास पोलीस करीत आहेत
पंचवटी पोलीस ठाण्याच्या हद्दीतील मनपाच्या ५६ नंबर शाळेच्या समोर असलेल्या प्रवीण किराणा दुकानाजवळ ही घटना घडली. संजय तुळशीराम सासे (वय ४०, रा. घर क्र. १२८८, महालक्ष्मी चाळ, महाराणा प्रताप नगर, पेठ रोड, पंचवटी) असे मृताचे नाव आहे. संजय सासे हे बाबागिरी करीत असल्याचे स्थानिकांकडून सांगण्यात आले. सोमवारी मध्यरात्री काही अज्ञात व्यक्तींनी त्यांच्या डोक्यात घाव घालून त्यांचा खून केला. या प्रकरणी रुपाली संजय सासे यांनी फिर्याद दिली असून, अज्ञात व्यक्तींविरुद्ध गुन्हा दाखल करण्यात आला आहे. पोलिस अधिक तपास करत आहेत.