नाशिक स्मार्ट सिटीला सर्वोत्कृष्ट सहभाग शहर पुरस्कार

सुरत परिषदेत पटकावले तिसरे स्थान
नाशिक : प्रतिनिधी
सुरत येथे स्मार्ट शहरे व स्मार्ट शहरीकरण या परिषदेचे आयोजन १८ ते २० एप्रिलदरम्यान करण्यात आले होते . भारत सरकारच्या गृहनिर्माण आणि शहरी कामकाज मंत्रालयाने सुरत स्मार्ट सिटी कॉर्पोरेशन डेव्हलपमेंट सोबत या कार्यक्रमाचे आयोजन केले होते . स्वातंत्र्याचा ७५ व्या वर्धापन दिनानिमित्त पंतप्रधान नरेंद्र मोदी यांनी आझादी का अमृत महोत्सवच्या घोषणे अंतर्गत हा कार्यक्रम आयोजित करण्यात आला होता . दरम्यान या कार्यक्रमात नाशिक स्मार्ट सिटीने सर्वोत्कृष्ट सहभाग शहर पुरस्करात तिसरे स्थान पटकावले . नाशिक स्मार्ट सिटी या परिषदेमध्ये नाशिक स्मार्टचे मुख्य कार्यकारी अधिकारी सुमंत मोरे यांनी सीईओंच्या फ्रीडम २ वॉक अँड सायकल चॅलेंज स्पर्धेच्या राउंड २ मध्ये फ्रीडम २ वॉक श्रेणीत प्रथम क्रमांक पटकावला . यासाठी त्यांना सन्मानचिन्ह देऊन गौरविण्यात आले . सुरत येथे आयोजित स्मार्ट शहरे , स्मार्ट शहरीकरण परिषद २०२२ मध्ये नाम्युस्मासिडेकॉलीच्या वतीने आयटीचे उपमहाव्यवस्थापक सुधीर गोराडे , प्रकल्प व्यवस्थापक निखिल भोईर , निखिल बागायतकर , साची सिंग ( वरिष्ठ सल्लागार ) यांनी सहभाग घेतला . या कार्यक्रमात शहरी परिणाम फ्रेमवर्क २०२२ चे प्रकाशन करण्यात आले . कार्यक्रमासाठी देशभरातून एक हजार हून अधिक शहर प्रतिनिधी सहभागी झाले होते . मंत्रालयाचे एकात्मिक डेटा पोर्टल , हे भारतीय शहरांबद्दल मौल्यवान डेटा प्रदान करणार असून , याचे देखील लाँचिंग करण्यात आले . स्मार्ट सिटीज मिशनने कार्यक्रमादरम्यान आउटकम आउटपुट मॅनेजमेंट फ्रेमवर्क डॅशबोर्डसह सर्वसमावेशक डॅशबोर्ड लाँच केले . स्मार्ट सिटीज स्मार्ट अर्बनायझेशन मेगा कॉन्क्लेव्हच्या सुरुवातीच्या दिवशी विविध संवादात्मक क्रिया कलापांचे प्रदर्शन , प्रख्यात वक्त्यांशी संवाद आदी कार्यक्रम आयोजित करण्यात आले होते .

Ashvini Pande

अश्विनी पांडे या 2019 पासून पत्रकारितेत कार्यरत असून, सध्या दैनिक गांवकरीत ऑनलाइन कंटेंट क्रीएटर तसेच उपसंपादक म्हणून कार्यरत आहे. त्यांना राजकीय व सामाजिक, सांस्कृतिक विषयाचे सखोल ज्ञान असून, साहित्य संमेलन, राजकीय सभा, राजकारणातील घडामोडी या विषयावर त्यांनी विपुल लेखन केलेलं आहे. विज्ञान शाखे बरोबरच पत्रकारितेतील पदवी बरोबरच साहित्यातील पदव्यूत्तर पदवी त्यांनी प्राप्त केलेली आहे.पत्रकारितेतील योगदानाबद्दल त्यांना विविध सन्मानही प्राप्त झालेले आहेत.